Try hady vydaŭcy i karektary mohuć spać spakojna.
Učora ŭ Kamisii pa adukacyi, kultury, navucy i navukova‑techničnamu prahresu Pałaty pradstaŭnikoŭ Nacyjanalnaha schodu adbyłosia pasiadžeńnie rabočaj hrupy pa padrychtoŭcy prajekta Zakona «Ab Praviłach biełaruskaj arfahrafii i punktuacyi».
Jak paviedamiŭ karespandentu «Źviazdy» staršynia parłamienckaj kamisii Uładzimir Zdanovič, na pasiadženni było vyrašana, što, pa ŭsioj vierahodnasci, dataj ustupleńnia ŭ siłu novych Praviłaŭ budzie 1 vieraśnia 2010 hoda.
Pry hetym da 1 vieraśnia 2008 hoda zakonaprajekt, na dumku surazmoŭcy, budzie adobrany parłamientam. Za dva nastupnyja hady, pavodle słoŭ Uładzimira Zdanoviča, buduć vyrašany ŭsie arhanizacyjnyja pytanni pa ŭžyvańniu novych Praviłaŭ u škołach. Pry hetym raspracoŭščyki zakonaprajekta vyrašyli nie isci na toje, kab peŭny pierachodny pieryjad u krainie mahli ŭžyvacca novyja Praviły i Praviły, jakija dziejničajuć zaraz. «Bo paralelna — heta supraciŭleńnie adnaho padychodu inšamu. Prosta Zakon ustupić u siłu, jak ustupajuć u siłu ŭsie zakony. I z hetaha momantu pačniecca žyćcio pa novych praviłach». Abmiarkoŭvałasia pytańnie napisańnia słoŭ ź vialikaj i maleńkaj litary. Pavodle słoŭ Uładzimira Zdanoviča, nazvy «vyšejšych słužbovych asobaŭ i nazvy vyšejšych dziaržaŭnych orhanaŭ ułady» buduć pisacca ź vialikaj litary.
Akramia taho, staršynia parłamienckaj kamisii prapanavaŭ pisać ź vialikaj litary nazvu dziaržaŭnaj simvoliki ŭ vypadkach, kali zhadvajecca, što heta dziaržaŭny simvał Respubliki Biełaruś. Naprykład, «Dziaržaŭny Hierb Respubliki Biełaruś». «Navukoŭcy mianie padtrymali. Budziem spadziavacca, što padtrymajuć i inšyja».
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary