Ładućka: Da ŭładalnikaŭ abjektaŭ-daŭhabudaŭ treba prymianiać bolš žorstkija miery
Da ŭładalnikaŭ abjektaŭ zvyšnarmatyŭnaha niezavieršanaha budaŭnictva treba prymianiać bolš žorstkija miery.Ab hetym zajaviŭ siońnia na pasiadžeńni staršynia Minharvykankama Mikałaj Ładućka.
Pavodle słoŭ Ładućki, za takija budynki i zbudavańni ŭłaśniki pavinny płacić pavyšany ziamielny padatak, abo terytoryi buduć adbirać na karyść horada.Ciapier kaeficyjent staŭki padatku na ziamlu da takich abjektaŭ składaje 2, prapanujecca inicyiravać pavieličeńnie jaho pamieru ŭ piać razoŭ da 10.
«Heta stanie stymułam da chutčejšaha zaviaršeńnia rabot abo znosu budynkaŭ, ich prodažu.Nielha dapuskać daŭhabudaŭ, jakija pryvodziać da ekanamičnych strat, vymyvańnia abarotnych srodkaŭ», — skazaŭ Mikałaj Ładućka.
Jak paviedamiŭ namieśnik staršyni kamiteta budaŭnictva i inviestycyj Minharvykankama Alaksandr Ściapanaŭ, usiaho ŭ horadzie na 1 lutaha naličvałasia 337 abjektaŭ zvyšnarmatyŭnaha niezavieršanaha budaŭnictva, što amal na 40 pracentaŭ mienš, čym na anałahičnuju datu minułaha hoda. Pastaŭlena zadača ŭ biahučym hodzie značna skaracić abjom zvyšnarmatyŭnaha budaŭnictva, skancentravać srodki na takich prajektach, a nie pačynać novyja. Razam z tym nie zaŭsiody ŭdajecca ŭździejničać na ŭłaśnikaŭ dla pryniaćcia imi mier, nie da ŭsich prymianiajucca pavyšajučyja padatkovyja kaeficyjenty. Tak, z 96 pravieranych abjektaŭ tolki pa 45 padatak pavyšany.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary