Paśla padpisańnia damovy z polskaj «Samaabaronaj» «Biełaja Ruś» zaprasiła ŭ Minsk lidara łatvijskaj prarasijskaj partyi.
Staršynia łatvijskaj sacyjał-demakratyčnaj partyi «Zhoda» Janis Urbanovič taksama źbirajecca padpisać damovu ab supracoŭnictvie z prałukašenkaŭskim hramadskim abjadnańniem. Cyrymonija zapłanavanaja na 5 sakavika.
Partyja «Zhoda» ŭźnikła ŭ 2010 hodzie ŭ vyniku źlićcia troch levych prarasijskich partyjaŭ i vystupaje za raźvićcio supracoŭnictva z Rasijaj. Jana padpisała pahadnieńnie ab supracoŭnictvie z pucinskaj «Adzinaj Rasijaj».
U parłamiencie Łatvii frakcyja «Centr zhody» na čale z Urbanovičam maje 31 mandat sa 100. Urbanovič dvojčy abiraŭsia staršynioj partyi «Zhoda». U saviecki čas jon byŭ pieršym sakratarom CK kamsamoła Łatvii.
Urbanovič aktyŭna padtrymlivaŭ łatvijski refierendum ab nadańni dziaržaŭnaha statusu rasijskaj movie 18 lutaha 2012 hoda, na jakim 74% vybarcaŭ vykazalisia suprać. Urbanovič nazyvaŭ rusafobiju «samym strašnym hrachom łatyšoŭ».
Kamientary