Raźviedka Paŭdniovaj Karei nie vyklučaje, što pry raspracoŭcy novaj rakiety KNDR mahła atrymać technałahičnuju dapamohu ad Rasii.
Hałoŭnaje ŭpraŭleńnie rakietabudavańnia Paŭnočnaj Karei zajaviła, što 6 studzienia ŭ Japonskim mory była zapuščanaja hipierhukavaja rakieta — bojehałoŭka pieraadoleła adlehłaść 1500 kiłamietraŭ z chutkaściu ŭ 12 razoŭ vyšejšuju za chutkaść huku.
Za vyprabavańniami naziraŭ kiraŭnik Paŭnočnaj Karei Kim Čen Yn. Pavodle jaho słoŭ, najnoŭšaja rakieta «zdolnaja nanieści mocny vajenny ŭdar pa praciŭnikam, efiektyŭna pieraadoleŭšy lubuju ščylnuju sistemu supraćrakietnaj abarony».
Kim Čen Yn śćviardžaje, što rakieta raspracoŭvałasia dla strymlivańnia supiernikaŭ KNDR u Azijacka-Cichaakijanskim rehijonie, a nie dla nastupalnych dziejańniaŭ.
Ab rakietnych vyprabavańniach u KNDR napiaredadni paviedamlała paŭdniovakarejskaja raźviedka. U Abjadnanym kamitecie načalnikaŭ štaboŭ Paŭdniovaj Karei zajavili, što paviedamleńnie ab paśpiachovym zapusku novaj balistyčnaj rakiety siaredniaj dalokaści, abstalavanaj hipierhukavaj bojehałoŭkaj, chutčej za ŭsio źjaŭlajecca chłuślivym.
Kamientary