Jak prypynieńnie dziejnaści Partyi kamunistaŭ biełaruskaj adabjecca na dziejnaści partyi, Sajuzu levych partyj im abjadnanych demakratyčnych siłach. Mierkavańni ekspertaŭ.
Rašeńnie ŭstupiła ŭ siłu adrazu paśla ahałošvańnia prysudu. Jak hetaja padzieja adabjecca na dziejnaści PKB, Sajuzu levych partyj i abjadnanych demakratyčnych siłach. Mierkavańni ekspertaŭ.
Namieśnik staršyni PKB Valer Uchnaloŭ miarkuje, što hetaje prypynieńnie ničoha nia źmienić i ni jak adabjecca na dziejnaści partyi.
«My budziem pracavać, jak pracavali dahetul. Sumniajusia, što niechta ź siabroŭ našaj partyi adčuje źmieny. Chiba tolki nam nielha budzie ad imia partyi rabić niejkija palityčnyja zajavy i ładzić akcyi, ale heta my možam rabić u ramkach demakratyčnaj kaalicyi. My budziem praciahvać usiu svaju ŭnutrypartyjnuju pracu».
«Dziejnaść PKB adnovicca 2 lutaha i dla hetaha nie patrebien nijaki dazvoł Viarchoŭnaha sudu ci Ministerstva justycyi. «Užo zusim inšaja sprava, kali Minjust zachoča nas paŭtorna prypynić, ci ŭvohule likvidavać», — adznačaje Ŭchnaloŭ.Što da ŭdziełu ŭ parlamenckich vybarach, jakija projduć uvieosień 2008 h., to Valer Uchnaloŭ kaža, što na paradku dnia partyi hetaje pytańnie pakul nie staić.
«Razhledzim pytańnie ŭdziełu ci nia ŭdziełu ŭžo tady, kali stanie viadomaja kanretnaja data vybaraŭ. Chacia i tut vialikaj prablemy mnie nia bačycca, bo bolšaść siabroŭ PKB budzie vyłučacca nie ad partyi, a šlacham zboru podpisaŭ. Škada tolki, što my nia zmožam vyłučać svaich siabroŭ u vybarčyja kamisii». — kaža namieśnik staršyni PKB.
Taksama zaraz staić pytańnie pra aficyjnuju rehistracyju «Sajuzu levych partyj». Naprykancy lipienia ŭ Ministerstva justycyi byli padadzienyja ŭsie nieabchodnyja dakumenty dla jaho rehistracyi, ciaham miesiacu adtul musić pryjści adkaz.
«Padajecca, što mienavita praz prypynieńnia dziejnaści PKB našu kaalicyju mohuć nie zarehistravać, — zaznačaje vykanaŭca abaviazkaŭ staršyni BSDP Anatol Laŭkovič. — Nijakaj inšaj padstavy admaŭlać na u rehistracyi ŭ ministerstva niama. Pieršy raz nam admovili praz toje, što źjezd prachodziŭ za miežami krainy. Nastupny forum my praviali ŭžo ŭ Miensku, vypraviŭšy minułuju chibu. Treba pačakać adkazu».
Pakul što ŭ levych niama jasnaha planu dziejańnia na toj vypadak, kali «Sajuzu…» ŭsio ž budzie admoŭlena ŭ rehistracyi. «Pytańnie budzie abmierkavanaje, kali budzie bolš jasnaści», — kaža Laŭkovič.
Staršynia Partyi BNF Vincuk Viačorka ličyć, što čaćviarhovaje rašeńnie Viarchoŭnaha sudu nijak nie adabjecca na pracy abjadnanych demakratyčnych siłaŭ.
«U miežach našaj kaalicyi pracujuć subjekty, jakija nia majuć dziaržaŭnaj rehistracyi, tamu prablem u hetym planie niama. Niama prablem i z parlamenckimi vybarami, bo praktyčna ŭsie partyjcy buduć vyłučacca praz zbor podpisaŭ, a partyjnaść budzie tolki dadatkovym varyjantam».
Razam z prypynieńniem PKB stavicca pad pytańnie i vychad hazety «Tovariŝ», jakaja źjaŭlajecca drukavanym vorhanam partyi. Namieśnik hałoŭnaha redaktara «Tovariŝa» Dźmitry Janienka źviartaje ŭvahu:
«My kansultavalisia ź jurystami ź Biełaruskaj asacyjacyi žurnalistaŭ. Jany skazali, što prypynieńnie dziejnaści zasnavalnika nia jość jašče padstavaj spyniać vychad hazety. Adnak nam pakul ničoha nie viadoma, što pra heta dumajuć u ministerstvie infarmacyi. Jak by nie było, ale zaraz my rychtujem da druku novy numar hazety, jakaja abaviazkova dojdzie da čytačoŭ», — reziumavaŭ Dźmitry Janienka.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary