Na Biełaruś pryjšoŭ śniežny štorm

Biełaruś na hetych vychodnych apyniecca pad uładaj śniežnaha štormu,

paviedamiła hałoŭny sinoptyk Respublikanskaha hidramieteacentra Ludmiła Paraščuk.

«U najbližejšyja sutki aktyŭny cykłaničny vichor, jakomu niamieckija mietearołahi dali mužčynskaje imia «Chavier», rezka pahoršyć umovy nadvorja ŭ našaj krainie.

Jon spryčynicca da cełaha naboru niebiaśpiečnych i niespryjalnych zimovych źjaŭ nadvorja», — raspaviała Ludmiła Paraščuk.

Tak, u noč na piatnicu, 15 sakavika, na paŭdniovym uschodzie Biełarusi čakajecca praciahły mocny śnieh, ranicaj i dniom u mnohich rajonach krainy projduć mocnyja śniehapady. Vyšynia hurbaŭ śniehu pavialičycca ŭ dva, a miescami i ŭ try razy.

Uzmocnicca viecier, paryvy ​​buduć dasiahać 15–20 mietraŭ u siekundu, udzień miescami chutkaść vietru budzie siahać 21–24 mietry ŭ siekundu. Buduć mocnyja zaviei, na darohach utvoracca śniežnyja zanosy. Pa paŭdniovym uschodzie krainy projdzie mocny mokry śnieh i doždž, miescami ŭtvorycca hałalod, nalipańnie mokraha śniehu. Tempieratura pavietra na praciahu sutak składzie 2–8 hradusaŭ marozu. Nočču pa paŭnočnym zachadzie krainy słupok termomietra apuścicca da minus 9–15 hradusaŭ. U paŭdniova-ŭschodnich rajonach Homielskaj i Mahiloŭskaj abłaściej budzie ciaplej: tut nočču kala nula, dniom — ad 2 da 8 ciapła.

U subotu zachavajecca ŭpłyŭ paŭdniovaha cykłonu, jaki źmiaščajecca praz paŭdniovy ŭschod Biełarusi ŭ bok Maskoŭskaj vobłaści.

U mnohich rajonach zachavajecca mocny paryvisty viecier, zavieja, na darohach śniežnyja zanosy.

«U niadzielu, 17 sakavika, viecier scichnie, spyniacca śniehapady. Ale ŭśled za cykłonam adkryjecca dostup na poŭdzień pavietranym masam z Arktyki, pačniecca ŭzmacnieńnie marazoŭ»,

Tak, nočču ŭ Biełarusi čakajecca ad 8 da 14 hradusaŭ sa znakam minus, pa paŭnočnym zachadzie marazy buduć da 15–20 hradusaŭ. Tempieratura pavietra dniom składzie minus 4–10 hradusaŭ, pa paŭdniovym zachadzie budzie ciaplej — 1–3 hradusy nižej za nul. Pieravažna pa ŭschodniaj častcy krainy projdzie karotkačasovy śnieh.

U paniadziełak pry cichim małavobłačnym nadvorji prykmietna ŭzmocniacca načnyja marazy. Unačy čakajecca ad 13 da 19 hradusaŭ sa znakam minus, miescami maroz uzmocnicca da 20–27 hradusaŭ

Dniom prahnazujecca 4–10 hradusaŭ nižej za nul, pa poŭdni budzie ad 1 da 3 marozu. «Taki tempieraturny fon budzie nižejšy za klimatyčnuju normu nie tolki dla siaredziny sakavika, ale i dla siaredziny studzienia.

Istotnych apadkaŭ nie prahnazujecca», — adznačyła Ludmiła Paraščuk.

Pavodle jaje słoŭ, da siaredziny nastupnaha tydnia ŭ mnohich rehijonach Biełarusi zachavajecca zimovy charaktar ​​nadvorja.

• 0
• 0
• 0
• 0
• 0
• 0
• 0
• 0