D. Buš: "Nacyi raźvivajucca tady, kali talenty i svabody kvitniejuć, a nie tady, kali jany padaŭlajucca."
"Ja vitaju ŭsich tych, chto pracuje na karyść viartańnia svabody i adznačaje 88-ja ŭhodki pieršaj sproby ŭstalavać niezaležnaść Biełarusi.
Svaboda - heta prava, jakoje dajecca kožnamu čałavieku pa naradžeńni i daje pastajannuju nadzieju ŭsiamu čałaviectvu. Praha spraviadlivaści, svabody, pavahi da pravoŭ čałavieka i nadziejnaha dy reprezentatyŭnaha ŭradu, źjaŭlajecca universalnaj. Nacyi raźvivajucca tady, kali talenty i svabody kvitniejuć, a nie tady, kali jany padaŭlajucca. Urady mohuć natchnić hramadztva i nadać uładu hramadzianam tolki praz zachavańnie zakonnaści, abmiežavańnie ŭłady dziaržavy, praviadzieńnie svabodnych i spraviadlivych vybaraŭ dy pavahi da pravoŭ usich ludziej.
Ja z pavahaj staŭlusia da tych, chto pracuje na karyść viartańnia svabody ŭ Biełarusi. Dumki našaj nacyi znachodziacca z tymi, chto pieraśledavaŭsia, byŭ zatrymany, kinuty ŭ turmy i źbity za svaje namahańni. Złučanyja Štaty asudžajuć dziejańni biełaruskich słužbaŭ achovy paradku ranicaj 24 sakavika i zaklikajuć usich siabroŭ mižnarodnaj supolnaści dałučycca da nas i asudzić lubyja złoŭžyvańni, a taksama patrabavać ad biełaruskich uładaŭ pavažać prava ŭłasnych hramadzianaŭ mirna vykazvać svaje mierkavańni. Złučanyja Štaty Ameryki buduć i nadalej padtrymlivać narod Biełarusi i tych, chto dapamahaje Biełarusi zaniać naležnaje miesca ŭ demakratyčnaj sudružnaści".
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva68
Kamientary