Biełaruś źjaŭlajecca suvierennaj dziaržavaj, i joj nie patrebny vajažory, padobnyja da polskich čynoŭnikaŭ, jakija sprabavali nasupierak aficyjnaj zabaronie na ŭjezd u našu krainu pierasiačy biełaruskuju miažu. Pra heta, jak paviedamlajuć aficyjnyja krynicy, zajaviŭ 17 žniŭnia Alaksandr Łukašenka, adkazvajučy na pytańni žurnalistaŭ u haradskim pasiołku Kopyś (Aršanski rajon Viciebskaj vobłaści).
15 žniŭnia na pahranpierachodzie "Bruzhi" biełaruskija pamiežniki zabaranili ŭjezd na terytoryju krainy vice-śpikieru sienata Polščy Kšyštafu Putru, lideru apazicyjnaj partyi "Hramadzianskaja płatforma" Donaldu Tusku i deputatu polskaha siejma Robiertu Tyškieviču. Polskija palityki jechali ŭ Hrodna dla ŭdziełu ŭ mierapryjemstvach z nahody nacyjanalnaha śviata — Dnia Vojska Polskaha.
Jak vynikaje z tłumačeńniaŭ aficyjnaha pradstaŭnika pahranpierachodu "Bruzhi", "hetyja dziejańni poŭnaściu adpaviadajuć mižnarodnym normam, u pryvatnaści artykułu 90 punkta 2 Vienskaj kanviencyi ab mižnarodnych znosinach, u jakim havorycca, što dziaržava znachodžańnia maje prava admović va ŭjeździe peŭnaj katehoryi hramadzian".
Jak śćviardžałasia ŭ aficyjnym kamientaryi MZS Biełarusi, "biełaruski bok svoječasova papiaredziŭ polski bok, što niekatorym jaho pradstaŭnikam, jakija płanujuć ažyćciavić pajezdku ŭ Hrodna, budzie admoŭlena va ŭjeździe ŭ krainu".
Kamientary