Čatyrochhadovaja dziaŭčynka trapiła pad koły aŭtamabila ŭ Hrodnie
Udary atrymała čatyrochhadovaja dziaŭčynka, jakaja sa starejšaj siastroj biehła cieraz darohu na čyrvonaje śviatło ŭ Hrodnie.
Jak paviedamili va ŭpraŭleńni DAI UUS Hrodzienskaha abłvykankama, najezd na dzicia zdaryŭsia viečaram 16 maja na pierasiačeńni vulic Volhi Sałomavaj i Suvorava.
Kiroŭca ruchaŭsia pa krajniaj levaj pałasie i źbiraŭsia zrabić ź jaje manieŭr. Pakolki strełka ŭ dadatkovaj siekcyi śviatłafora dazvalała zrabić adpaviedny pavarot, chutkaści nie źnižaŭ. Dla kiroŭcaŭ, jakija stajali sprava ŭ dźviuch pałosach, hareła čyrvonaje śviatło, jany čakali ŭklučeńnia zialonaha.
Z-za hetych mašyn i vybiehli dźvie dziaŭčynki.Starejšaja, 12-hadovaja, paśpieła adskočyć, a małodšaja trapiła pad koły.
Kamientary