Hałoŭny kredytor Biełarusi pasłaŭ papiaredžańnie, patrabuje abmiežavańnia zarobkaŭ
Jeŭrazijski bank raźvićcia (JEABR) zaścierahaje, što inflacyja moža vyraści da 30%, a ekanomiku čakaje čarhovy kryzis.
JEABR kiruje srodkami Antykryzisnaha fondu JeŭrAzES. Mienavita Antykryzisny fond źjaŭlajecca hałoŭnym kredytoram Biełarusi ŭ 2011–2013 hadach. Kali b nie kredyty fondu, zołatavalutnyja zapasy krainy ŭpali b.
Ekśpierty JEABR rekamiendavali biełaruskim uładam zrabić nieadkładnyja zachady dla abmiežavańnia ŭnutranaha popytu. Heta značyć, abmiežavać rost dachodaŭ nasielnictva i kredyty dla pradpryjemstvaŭ. Kali hetaha nie budzie zroblena, ekanomiku čakajuć novyja kataklizmy, miarkujuć u JEABR. U pryvatnaści, pišuć ekśpierty, inflacyja moža padskočyć da 30%, a finansavaja sistema znoŭ razbałansujecca.
Rekamiendacyi JEABR vyklikanyja kardynalnym paharšeńniem rachunku biahučych apieracyj płaciežnaha bałansu Biełarusi ŭ čaćviortym kvartale 2012 hoda — da minus 11,1% VUP, niahledziačy na źnižeńnie cenaŭ na rasijskija enierharesursy. Tym časam deficyt rachunku biahučych apieracyj pa vynikach pieršaha kvartała 2013 hoda skłaŭ užo minus $ 2,4 młrd, abo 17,1% ad VUP. Hetyja ličby abnarodavaŭ učora Nacbank Biełarusi.
Deficyt biahučaha rachunku aznačaje, što kraina bolš vypłačvaje, čym atrymlivaje dachodaŭ. Rezkaje paharšeńnie maje dźvie pryčyny. Z adnaho boku, Rasija prykryła mahčymaści reekspartu nafty pad vyhladam rastvaralnikaŭ. Maskva nazvała takuju schiemu kantrabandaj.
Siońnia Minekanomiki kanstatavała stahnacyju ŭ pramysłovaści ŭ krainie. Rezka vyraśli składskija zapasy.
Minekanomiki tłumačyć statystyčny rost VUP vyklučna stymulavańniem ŭnutranaha popytu: rostam roźničnaha tavaraabarotu i inviestycyj u asnoŭny kapitał.
U spravazdačy JEABR havorycca, što «doŭhaterminovy ŭstojlivy rost ekanomiki Biełarusi mahčymy tolki pry ŭmovie praviadzieńnia strukturnych reformaŭ, nakiravanych na źmianšeńnie roli dziaržavy ŭ kiravańni ekanomikaj i palapšeńnie dziełavoha asiarodździa».
U JEABR rej viadzie Rasija, i Maskva vykarystoŭvaje jaho jak instrumient dla ažyćciaŭleńnia svaich intaresaŭ. U pryvatnaści, kredytnaja prahrama dla Biełarusi była abumoŭlenaja praviadzieńniem pryvatyzacyi ŭ krainie. Mienavita dziela hetaha byŭ pradadzieny «Biełtranshaz». Rasijski kapitał taksama maje płany na «Biełaruśkalij», naftazavody,
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary