Галоўны крэдытор Беларусі паслаў папярэджанне, патрабуе абмежавання заробкаў
Еўразійскі банк развіцця (ЕАБР) засцерагае, што інфляцыя можа вырасці да 30%, а эканоміку чакае чарговы крызіс.
ЕАБР кіруе сродкамі Антыкрызіснага фонду ЕўрАзЭС. Менавіта Антыкрызісны фонд з’яўляецца галоўным крэдыторам Беларусі ў 2011–2013 гадах. Калі б не крэдыты фонду, золатавалютныя запасы краіны ўпалі б.
Эксперты ЕАБР рэкамендавалі беларускім уладам зрабіць неадкладныя захады для абмежавання ўнутранага попыту. Гэта значыць, абмежаваць рост даходаў насельніцтва і крэдыты для прадпрыемстваў. Калі гэтага не будзе зроблена, эканоміку чакаюць новыя катаклізмы, мяркуюць у ЕАБР. У прыватнасці, пішуць эксперты, інфляцыя можа падскочыць да 30%, а фінансавая сістэма зноў разбалансуецца.
Рэкамендацыі ЕАБР выкліканыя кардынальным пагаршэннем рахунку бягучых аперацый плацежнага балансу Беларусі ў чацвёртым квартале 2012 года — да мінус 11,1% ВУП, нягледзячы на зніжэнне цэнаў на расійскія энергарэсурсы. Тым часам дэфіцыт рахунку бягучых аперацый па выніках першага квартала 2013 года склаў ужо мінус $ 2,4 млрд, або 17,1% ад ВУП. Гэтыя лічбы абнародаваў учора Нацбанк Беларусі.
Дэфіцыт бягучага рахунку азначае, што краіна больш выплачвае, чым атрымлівае даходаў. Рэзкае пагаршэнне мае дзве прычыны. З аднаго боку, Расія прыкрыла магчымасці рээкспарту нафты пад выглядам растваральнікаў. Масква назвала такую схему кантрабандай.
Сёння Мінэканомікі канстатавала стагнацыю ў прамысловасці ў краіне. Рэзка выраслі складскія запасы.
Мінэканомікі тлумачыць статыстычны рост ВУП выключна стымуляваннем ўнутранага попыту: ростам рознічнага тавараабароту і інвестыцый у асноўны капітал.
У справаздачы ЕАБР гаворыцца, што «доўгатэрміновы ўстойлівы рост эканомікі Беларусі магчымы толькі пры ўмове правядзення структурных рэформаў, накіраваных на змяншэнне ролі дзяржавы ў кіраванні эканомікай і паляпшэнне дзелавога асяроддзя».
У ЕАБР рэй вядзе Расія, і Масква выкарыстоўвае яго як інструмент для ажыццяўлення сваіх інтарэсаў. У прыватнасці, крэдытная праграма для Беларусі была абумоўленая правядзеннем прыватызацыі ў краіне. Менавіта дзеля гэтага быў прададзены «Белтрансгаз». Расійскі капітал таксама мае планы на «Беларуськалій», нафтазаводы,
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары