Piać mifaŭ pra kamaroŭ

Maskity źjavilisia bolš za 175 miljonaŭ hadoŭ tamu, tak što ad ich, napeŭna, pakutavali navat dynazaŭry. Ludzi nastolki doŭha zmahajucca z kamarami, što za hety čas naradziłasia šmat mifaŭ. Voś samyja raspaŭsiudžanyja ź ich:

1. Kamary žyvuć adzin dzień (niapraŭda).

U roznych vidaŭ kryvasmokaŭ roznaja praciahłaść žyćcia. Samcy kamaroŭ u siarednim žyvuć 2—3 tydni, samki — 2—3 miesiacy, a samki malaryjnaj kamaroŭ sychodziać u dyjapaŭzu ŭ kancy leta i dažyvajuć da viasny.

2. Kamar, jaki pakusaŭ chvoraha na ŚNID čałavieka, moža raspaŭsiudžvać chvarobu (niapraŭda).

Nie, bo hety virus hinie ŭ stravavalnaj sistemie kamaroŭ.

3. Kamary bajacca dymu (častkova praŭda).

Dla kamaroŭ jon vielmi niepryjemny, bo jany taksama dychajuć pavietram. Ale poŭnaściu vyratavać ad kamaroŭ dapamoža tolki vialikaja zadymlenaść.

4. Ultrahukavyja srodki dapamohuć adpałochać kamaroŭ (niapraŭda).

Pravieryć heta možna i samomu: dastatkova spampavać u internecie śpiecyjalnuju aplikacyju. Ale kamaroŭ nie pužajuć takija huki, chutčej, haspadar doma zabiaśpiečyć sabie biassonnuju noč.

5. Kamar kusaje tolki adzin raz, a paśla — pamiraje (niapraŭda).

Nie, bo heta ž nie pčała. Ale samiec kamara čałavieku nie vorah, bo jon charčujecca niektaram. A kroŭ pjuć tolki samki. Zrešty, jany taksama mohuć pierajści na sok kvietak, kali niama dzie ŭziać kroŭ, tolki ŭ hetym vypadku adkłaści jajki samki nie zmohuć.

Sioleta kamaroŭ i maškary sapraŭdy šmat, zaznačaje entamołah Śviatłana Jaškoŭskaja. Hetamu spryjajuć vysokaja pavodka i daždžysty maj.

«Siezon aktyŭnaści kamaroŭ pačynajecca viasnoj, kali tempieratura ŭzdymajecca vyšej za 8—10 hradusaŭ, — raskazvaje Śviatłana Jaškoŭskaja. — Kali mocna pakusajuć, akramia aciokaŭ, zapaleńnia i śvierbu, moža ŭźniknuć intaksikacyja arhanizma. Heta viadzie da ahulnaj słabaści, pavyšeńnia tempieratury, prablem sardečnaj dziejnaści».

Śpiecyjalisty rajać pramyvać miesca ŭkusaŭ rastvoram sody. Kali achviary kamaroŭ pahoršała, treba terminova źviarnucca da doktara.

Jak zmahacca z kamarami

• Vykarystoŭvajcie repielenty.

• Abirajcie dla adpačynku na pryrodzie śvietłyja miescy.

• Nie pakidajcie adčynienymi vokny i dźviery, u vokny ŭstaloŭvajcie achoŭnyja sietki.

• Čym mienš vady vakoł chaty (bočki, kalužyny i h.d.), tym mienš kamaroŭ.

• Pry praniknieńni ŭ žyllo vykarystoŭvajcie elektrafumihatary dla baraćby z nasiakomymi, dym ad jadłoŭca ci valarjanavaha korania.

Cikavyja fakty

• 1 200 000 kamaroŭ dastatkova, kab vypić z čałavieka ŭsiu kroŭ. Heta, viadoma, tearetyčny raźlik, bo da hetaha čałaviek pamre ad razdražnieńnia i bolevaha šoku.

• Samy vialiki pomnik kamaru raźmieščany ŭ miastečku Kamarna, Kanada. Stalovaja statuja zroblenaja ŭ 1984 hodzie i maje razmach kryłaŭ 5 mietraŭ.

• Kamary vałodajuć unikalnaj zdolnaściu łaviravać pamiž kroplami daždžu i zastavacca suchimi na praciahu 5 chvilin.

• Pobač z nami žyvuć sapraŭdnyja piarevaratni. Miarkujcie sami: pavodle daśledavańniaŭ, u poŭniu aktyŭnaść kamaroŭ uzrastaje na 500%.

• 0
• 0
• 0
• 0
• 0
• 0
• 0
• 0