Rasiejski turyst: Biełaruś panyłaja, biełarusy tarmaznutyja, uvieś Minsk — SSSR
Uražańni žychara Maskvy ad naviedvańnia Biełarusi.
Rasijski turyst z Maskvy padzialiŭsia ŭ svaim błohu ŭražańniami ad Biełarusi, jakuju jon naviedaŭ tranzitam pa darozie ŭ Polšču. Jany šmat u čym adroźnivajucca ad kamplimientarna-nastalhičnych vodhukaŭ jahonych šmatlikich suajčyńnikaŭ, što jeduć adpačyvać da nas.
«Usie čysta, akuratna»
«Doždž, zol, pachmurna, natoŭpy naroda iduć u carkvu. Radaŭnica. Uvieś Minsk — SSSR. Usie čysta, akuratna. Narod tarmaznuty (nie kryŭdujcie, ale vam brakuje rytmu. Kapitalizm prymusiŭ nas krucicca i biehać, a ŭ vas pakul usio pavolna i pradkazalna. Ničoha, dumaju ŭsio naładzicca).
Ceny nie tannyja, nasupierak tamu, što śćviardžajuć mnohija znajomyja. Kaŭbasy "DASTaŭskaj" daŭno niama, taksama farbavalniki i zahuščalniki z aramatyzatarami».
«Žychary Bresta žyvuć kantrabandaj»
«Nu i naohuł pamiežnym stanoviščam karystajucca, jak mohuć. Samaja fiška — pašyreńnie paliŭnaha baka. Sprava ŭ tym, što bienzin pravozić nielha nijak — ni ŭ kanistrach, ni ŭ butelkach. A kaštuje jon tut 28 rubloŭ, a tam užo 55. Voś i robiać chłopcy baki pa 100 litraŭ. Mytnia heta viedaje i dziare biełarusaŭ jak sidaravych kozaŭ. Pryčym palaki bolš humannyja, čym svaje.
Horad sam pa sabie značna žvaviejšy: vieje Jeŭropaj moža, a moža prosta tut narod bahaciejšy. Damy cikavyja, mašynki trochi lepšyja. Navat niejak pryhoža ŭsio vakoł».
«Vysnova»
«Biełaruś panyłaja. Tak, prajezdam. Tak, my nie byli ŭ Mirskim zamku i z nadvorjem naohuł nie pašancavała. Ale žadańnia pakul viartacca niama».
Hladzi taksama: Pryhody rasiejcaŭ u Minsku: što turysty pišuć pra našu krainu?
Kamientary