Rejtynh samych vysokaapłačvalnych biełaruskich dypłamataŭ ŭznačaliŭ pasoł u Vieniesuele

Hruntujučysia na hetych dadzienych, ej.by skłaŭ top-10 samych darahich biełaruskich pasłoŭ u śviecie.

Zhodna z pastanovaj Savieta ministraŭ, z 1 lipienia 2013 h. słužbovyja akłady biełaruskich pasłoŭ vyrastuć u siarednim na 10%, ale nie ŭ biełaruskich rublach, a ŭ jeŭra. Adpaviedna, nastolki ž vyrastuć i akłady inšych rabotnikaŭ dypłamatyčnych pradstaŭnictvaŭ, jakija raźličvajucca ŭ pracentach ad akładu pasła.

Pavieličeńnie apłaty biełaruskich pasłoŭ adbyłosia z pryčyny źmieny samoj sistemy ŭstalavańnia hetych akładaŭ. Kali raniej jany pryznačalisia ŭradam pa svaim mierkavańni, to ciapier vyznačajucca pa indeksach AAN.

Jak skazana ŭ dakumiencie, pamiery słužbovych akładaŭ u zamiežnaj valucie nadzvyčajnaha i paŭnamocnaha pasła Respubliki Biełaruś i pastajannych pradstaŭnikoŭ Respubliki Biełaruś pry mižnarodnych arhanizacyjach raźličvajucca na padstavie indeksaŭ koštu žyćcia ŭ haradach śvietu ŭ dačynieńni da Ńju-Jorka, jakija prymajucca Kamisijaj AAN pa Mižnarodnaj hramadzianskaj słužbie. Akramia taho, pasły majuć šerah istotnych nadbavak da zarabotnaj płaty.

Tak, naprykład, dadatkova pasłam dapłačvajecca za adno sumiaščalnictva plus 10% akładu, a taksama plus 5% za kožnaje nastupnaje sumiaščalnictva. Jašče 20% da akładu pasłam dajecca na ŭtrymańnie za miažoj žonki i jašče 5% da akładu na ŭtrymańnie kožnaha dziciaci. Jość jašče šerah nadbavak, ale ŭsio davoli składana ŭličyć. Tamu ŭ topie abapiralisia tolki na sami słužbovyja akłady biełaruskich pasłoŭ, a taksama ich nadbaŭki za sumiaščalnictva i na ŭtrymańnie žonki.

Takim čynam, samy vysokaapłačvalny pasoł Biełarusi — Aleh Pafieraŭ, jaki pradstaŭlaje intaresy našaj krainy ŭ Vieniesuele. Jaho słužbovy akład składaje 3980 jeŭra. Akramia taho, Aleh Pafieraŭ taksama pa sumiaščalnictvie pradstaŭlaje intaresy Biełarusi ŭ Ekvadory i Balivii, za što atrymlivaje jašče plus 15% da akładu — 597 jeŭra. U pasła jość žonka, što daje jamu prava na jašče adnu nadbaŭku ŭ pamiery 796 jeŭra. Razam atrymlivajecca 5373 jeŭra.

Na druhim miescy — nadzvyčajny pasoł Respubliki Biełaruś u Japonii Siarhiej Rachmanaŭ.

Trecim pavinien byŭ by iści pasoł Biełarusi ŭ Šviejcaryi, jakomu naležyć akład u 3910 jeŭra. Ale ciapier tam u nas niama pasła. Tamu treciaje miesca dastajecca pasłu Biełarusi ŭ Złučanym Karaleŭstvie Vialikabrytanii i Paŭnočnaj Irłandyi z akładam 3600 jeŭra. Akramia taho, pasoł pa sumiaščalnictvie pradstaŭlaje intaresy Biełarusi ŭ Irłandyi, atrymlivajučy dadatkova 360 jeŭra. U dadatak da hetaha pasoł atrymlivaje 720 jeŭra na ŭtrymańnie žonki, što ŭ vyniku daje jamu 4680 jeŭra štomiesiačnaha dachodu.

Na astatnich miescach topa-10 raźmiaścilisia (u paradku źmianšeńnia akładaŭ) pasły Biełarusi ŭ Bielhii, Italii, Brazilii, Rasii, Nihieryi, Aŭstryi i Azierbajdžanie.

• 0
• 0
• 0
• 0
• 0
• 0
• 0
• 0