U Złučanych Štatach u subotu apoŭnačy pačaŭsia častkovy šatdaŭn — było spyniena finansavańnie dziasiatkaŭ fiederalnych ustanoŭ, što pryviało da častkovaha prypynieńnia pracy ŭrada.
Heta adbyłosia niahledziačy na toje, što za niekalki hadzin da hetaha Sienat uchvaliŭ pakiet zakonaprajektaŭ ab finansavańni asnoŭnych dziaržaŭnych viedamstvaŭ da kanca vieraśnia. Adnak hetyja dakumienty jašče pavinna razhledzieć Pałata pradstaŭnikoŭ, pasiadžeńnie jakoj čakajecca ŭ paniadziełak.
Pryčynaj šatdaŭnu stała admova sienataraŭ-demakrataŭ padtrymać zakon ab finansavańni Ministerstva ŭnutranaj biaśpieki. Heta adbyłosia paśla taho, jak u Minieapalisie fiederalnyja ahienty zastrelili dvuch čałaviek. Demakraty nastojvajuć na tym, kab zakon byŭ pierapracavany i ŭklučaŭ dadatkovyja abmiežavańni dla supracoŭnikaŭ viedamstva.
U piatnicu demakraty i respublikancy ŭsio ž dasiahnuli kampramisu: Sienat uchvaliŭ finansavańnie bolšaści fiederalnych orhanaŭ, u tym liku Pientahona, Dziarždepartamienta, Ministerstva finansaŭ i achovy zdaroŭja, da kanca finansavaha hoda — da 30 vieraśnia.
Pry hetym Ministerstva ŭnutranaj biaśpieki było vyklučana z pakieta: jaho finansavańnie padoŭžać tolki na dva tydni, kab za hety čas damovicca pra novyja praviły dla fiederalnych ahientaŭ.
Heta ŭžo druhi šatdaŭn u ZŠA za hod. Papiaredni praciahvaŭsia z 1 kastryčnika da 14 listapada 2025 hoda i staŭ samym doŭhim u historyi krainy. Tady ad jaho paciarpieli kala 1,4 miljona fiederalnych słužboŭcaŭ — mnohija ź ich pracavali biez zarobku abo byli adpraŭlenyja ŭ nieapłatnyja adpačynki.
Padstavaj dla takich dziejańniaŭ stali incydenty ŭ Minieapalisie: 7 studzienia supracoŭnik imihracyjnaj słužby zastreliŭ 37‑hadovuju žančynu, a 24 studzienia ahient pamiežna-mytnaj słužby zabiŭ 37‑hadovaha mužčynu. Paśla hetaha ŭ Minieapalisie i inšych haradach ZŠA prachodziać akcyi pratestu suprać žorstkaj imihracyjnaj palityki prezidenta Donalda Trampa i dziejańniaŭ fiederalnych ahientaŭ, jakija pravodziać rejdy suprać nielehalnych mihrantaŭ.
Nasielnictva ZŠA moža skaracicca ŭpieršyniu ŭ historyi
ZŠA źbirajucca adpravić ahientaŭ ICE dla achovy paradku na Alimpijadzie ŭ Italii. Italjancy aburanyja
Za apošnija dva tydni imihracyjnyja słužby ZŠA zatrymali nie mienš za 7 biełarusaŭ
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?1
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Poki tramp kamanduje eskadraj na padychodach da Piersickaj zatoki, u Vašynhtonie niechta ūčyniū demarš ?