Novy skandał z «Mis Minsk-2013»: u konkursie ŭdzielničała zamužniaja žančyna
Biesprecedentny vypadak u suśvietnaj historyi praviadzieńnia konkursaŭ pryhažości.
Dziakujučy fotazdymkam, zdabytym błohieram d-zholikam, majucca pierakanaŭčyja padstavy padazravać, što da ŭdziełu ŭ konkursie pryhažości «Mis Miensk-2013» u parušeńnie ŭsich praviłaŭ arhanizatarami była dapuščanaja maładaja žančyna, jakaja znachodziłasia ŭ šlubie, naradziła i vychoŭvaje dzicia.
Na pieršaj fatahrafii ŭ šlubnaj sukiency ŭžo viadomaja nam udzielnica finału konkursu «Mis Minsk-2013» pad №22 Anžalika Cichanovič. Na fota pakazana kali zrobleny zdymak - 7 lutaha 2009 hoda. Na toj momant budučaj finalistcy konkursu było ŭsiaho 18 hadoŭ.
Pavodle ŭmovaŭ praviadzieńnia konkursu pryhažości «Mis Minsk-2013» da ŭdziełu ŭ kastynhu i asnoŭnym etapie dapuskalisia vyklučna dziaŭčyny, jakija nikoli nie byli ŭ šlubie.Hetaja ŭmova adzinaja dla ŭsich konkursaŭ pryhažości, jakija źmiaščajuć u svajoj naźvie słova «mis», što źjaŭlajecca zvarotam da niezamužniaj žančyny ŭ anhłamoŭnych krainach.
Dla paćviardžeńnia faktu nie znachodžańnia ŭ šlubie albo razvodzie kandydatki abaviazanyja byli pradastavić arhanizataram konkursu dla aznajamleńnia pašpart i jaho kopiju dla niepasrednaha dałučeńnia da svajoj asabistaj spravy.
Ale isnuje mahčymaść pry abmienie (adnaŭleńni) pašparta nie pastavić adpaviedny štamp pra razvod, kab mieć čystuju bijahrafiju ŭ novym dakumiencie.
Choć vielmi sumniŭna, što arhanizatary konkursu, u tym liku ludzi, jakija siadzieli ŭ žury adboračnaha etapu, nie viedali pra padnahotnuju stryptyzioršy Anžaliki Cichanovič, jakaja pracuje ŭ načnych kłubach Minska.
Zhodna z pryviedzienymi vyšej umovami konkursu pryhažości «Mis Minsk-2013» udzielničać u im zabaraniałasia taksama dziaŭčatam, jakija majuć dziaciej.I ŭžo čaho arhanizatary «Mis Minsk-2013» tak dakładna nie mahli nie viedać i nie pravieryć, dyk heta toje, što Anžalika Cichanovič źjaŭlajecca maci, piša błohier.
Adsiul vynikaje, što ŭ vypadku kali finalistka dziaržaŭnaha konkursu pryhažości «Mis Minsk-2013» Anžalika Cichanovič była ŭ šlubie, maje dzicia i pry hetym u parušeńnie ŭmovaŭ konkursu pryniała ŭ im udzieł na ahulnych padstavach, u tym liku pretendavała na atrymańnie pryzavych u pamiery 30 miljonaŭ rubloŭ i inšych materyjalnych vyhod, to ŭ najaŭnaści ŭ dziejańniach arhanizataraŭ i ŭdzielnicy konkursu prykmiety złačynstva.
Nahadajem, Anžalika Cichanovič apynułasia ŭ adnoj asobie stryptyzioršaj, madellu eratyčnaha žanru i toples-dydžejem. Cichanovič źjaŭlajecca ŭdzielnicaj kvarteta E.b.a.s.h., jaki vystupaje pa minskich kłubach.
Kamientary