Admoviŭsia ad raźmierkavańnia? Płaci štraf z ulikam devalvacyi — fotafakt
Studenty biudžetnaj formy navučańnia paśla zakančeńnia imi ŭsiaho terminu navučańnia pavinny adpracoŭvać košt svajho navučańnia šlacham raźmierkavańnia.
Zdavałasia b, student viedaŭ na što išoŭ, nie chočaš adpracoŭvać — płaci. Adnak nie ŭsio tak prosta!
Jašče ŭ časy devalvacyi 2011 hoda Saviet Ministraŭ vydaŭ pastanovu, zhodna ź jakoj vypuskniki nie mohuć prosta ŭziać i apłacić mienavita stolki, kolki zatraciła na ich dziaržava. Dla takich studentaŭ vydumany asablivyprajs-list , z tak zvanym «karektujučym kaeficyjentam».
Kaeficyjent raźličvajecca šlacham dzialeńnia siaredniamiesiačnaha koštu padrychtoŭki navučenca ŭ apošni kalandarny hod padrychtoŭki na siaredniamiesiačny košt padrychtoŭki adnaho navučenca za ŭvieś pieryjad padrychtoŭki.
Naprykład, košt navučańnia ŭ biełaruskich VNU ŭ apošni kalandarny (2013) hod składaŭ prykładna 12 miljonaŭ biełaruskich rubloŭ. Da devalvacyi košt navučańnia składaŭ prykładna 3,5 miljona. Razam siaredniamiesiačny košt padrychtoŭki adnaho navučenca za ŭvieś pieryjad padrychtoŭki składzie prykładna 4,5 miljona. Padzialiŭšy «12» na «4,5», atrymlivajem «2,6». Heta i budzie kaeficyjent.
Heta značyć,
usie studenty, jakija chočuć apłacić košt svajho navučańnia dziaržavie, pavinny addać jak minimum u 2,6 razu bolš, čym nasamreč było vydatkavana na jaho adukacyju.
Hetkaja forma kampiensuje straty ŭnivierstitetaŭ pry devalvacyi, adnak układčykam bankaŭ čamuści nijakich strat nie viarnuli.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary