Kalinkina: «Minsk choča ŭciahnuć u kalijny kanflikt vyšejšaje rasiejskaje kiraŭnictva»
Čaho bolš — palityki albo ekanomiki — u sytuacyi vakoł zatrymańnia ŭ Miensku hiendyrektara «Ŭrałkalija»? Čamu Alaksandar Łukašenka idzie na abvastreńnie sytuacyi ŭ kalijnaj vajnie, na jakuju reakcyju Maskvy raźličvaje biełaruski kiraŭnik?Na hetyja pytańni adkazvaje šef-redaktar hazety «Narodnaja vola» Śviatłana Kalinkina.
— Ci možna patłumačyć zatrymańnie kiraŭnika «Ŭrałkalija» tolki čysta ekanamičnymi j finansavymi matyvami? Kali tut jość i palityčny składnik — jak vy jaho bačycie?
— U lubym vypadku aryšt takoj fihury nielha aceńvać tolki z punktu hledžańnia ekanomiki. Ja ŭpeŭnienaja, što
rašeńnie pra jahony aryšt prymałasia na samym vysokim uzroŭni.Jašče bolš pytańniaŭ vyklikaje toje, jak heta adbyłosia. Upieršyniu bujny biznesmen byŭ aryštavany paśla sustrečy z kiraŭnikom biełaruskaha ŭradu. U internecie navat užo naradziŭsia žart, što hrafik sustrečaŭ Miaśnikoviča možna źmiaščać u raździele «kryminalnaja chronika».
Tamu tut i vialikija imidžavyja straty. Ja b nie rasceńvała hetyja padziei tolki z punktu hledžańnia ekanomiki, tych strataŭ, jakija nibyta naniesła biełaruskaj dziaržavie kiraŭnictva BKK.
— Isnujuć roznyja mierkavańni nakont taho, čamu biełaruskaje kiraŭnictva pajšło na hety krok. I adno ź ich — Łukašenka adčuvaje niejkuju słabaść Kierymava, u tym liku siarod kramloŭskich kołaŭ, i tamu ličyć, što Maskva nia budzie nadta rezka reahavać na aryšt Uładzisłava Baŭmhiertnera.
— Ja taki punkt hledžańnia nie padzialaju. Bo ŭ lubym vypadku Kreml budzie vymušany reahavać. Jakija b ni byli pazycyi Kierymava, ale zdavać kiraŭnika bujnoha pradpryjemstva rasiejski bok nie pavinien i, ja dumaju, nia budzie.
Na moj pohlad, biełarusy prosta pajšli na abvastreńnie sytuacyi, kab uciahnuć u kanflikt «Biełaruśkalija» i Ŭrałkalija" vyšejšaje rasiejskaje kiraŭnictva. Da siońnia ani premjer, ani prezydent Rasiei nijak nie reahavali na kalijnuju vajnu. I voś adbyŭsia taki svojeasablivy prymus da pieramovaŭ pa kalijnaj tematycy.
— A navošta ich uciahvać? Navošta Miensk choča vyklikać reakcyju Kramla ŭ adkaz?
— «Urałkalij» i «Biełaruśkalij» razam byli najbujniejšymi hulcami suśvietnaha kalijnaha rynku. Siońnia ŭ Miensku nikomu nia chočacca, kab «Biełaruśkalij» staŭ takoj peryferyjnaj kampanijaj. U hetym kankretnym nievialikim sehmencie my byli zakanadaŭcami mody. A zaraz hetyja pazycyi stračvajucca ŭ adzin dzień vajnoj z «Urałkalijem» , jakaja pačałasia za ceny, kantrakty i hetak dalej.
Tamu Biełaruś vajuje nie za miljard, jaki jana pavinna viarnuć rasiejskamu «Śbierbanku». Biełaruś vajuje za status, za toje, kab viarnucca paŭnavartasnym hulcom na suśvietny kalijny rynak.Nu i Alaksandar Łukašenka čarhovy raz pakazvaje, što ź im tak prosta abychodzicca nielha, i što jon hatovy na lubyja, navat vielmi niepapularnyja kroki.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary