Mytniki buduć vykonvać rašeńnie ab uviadzieńni vyjaznoj pošliny ŭ vypadku jaho pryniaćcia
Kali rašeńnie ab źbirańni pošliny ź biełarusaŭ, jakija vyjazdžajuć za miažu za pakupkami, budzie pryniata, mytnyja orhany Biełarusi buduć jaho vykonvać. Pra heta zajaviŭ namieśnik staršyni Dziaržaŭnaha mytnaha kamiteta Siarhiej Barysiuk na pres-kanfierencyi ŭ Minsku 18 vieraśnia.
«Mytnyja orhany usiudy ažyćciaŭlajuć kantrolnyja funkcyi ŭ intaresach toj krainy, jakuju jany pradstaŭlajuć. Kali budzie pryniata dyrektyŭnym orhanam Biełarusi adpaviednaje rašeńnie (ab uviadzieńni vyjaznoj pošliny), mytnyja orhany ŭ miežach vyznačanaj u hetym rašeńni kampietencyi buduć jaho vykonvać», — skazaŭ Barysiuk.
Jon udakładniŭ, što ŭsiaho sioleta cieraź dziaržaŭnuju miažu «pieramieščany 20 młn. 774 fizasoby, ź jakich asoby, što majuć hramadzianstva Biełarusi, składajuć 12 młn. 536 tysiač». Pry hetym, adkazvajučy na ŭdakładnialnaje pytańnie, namieśnik staršyni DMK padkreśliŭ, što asobnaja statystyka ab tym, kolki hramadzian Biełarusi vyjechała ŭ krainy Jeŭrasajuza, adsutničaje.
Jak paviedamlałasia raniej, Alaksandr Łukašenka niadaŭna vystupiŭ ź inicyjatyvaj brać vyjaznuju pošlinu z tych hramadzian, jakija vyjazdžajuć u krainy Jeŭrasajuza. Pavodle słoŭ kiraŭnika dziaržavy, biełarusy traciać na pakupki ŭ jeŭrapiejskich krainach pryblizna 3 młrd. dalaraŭ štohod.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary