Biełaruski trenier uznačaliŭ salidny futbolny kłub, jaki hulaje ŭ hrupavym raŭndzie jeŭrakubkaŭ
Biełaruski śpiecyjalist Ivan Majeŭski budzie vykonvać abaviazki hałoŭnaha treniera słavienskaha «Cele».

Były paŭabaronca zbornaj Biełarusi, jaki pracuje pamočnikam ispanca Albierta Ryjery, časova zamienić na hetaj pasadzie svajho načalnika, jaki najbližejšym časam uznačalić frankfurcki «Ajntracht», piša football.by.
Matč čempijanatu Słavienii 1 lutaha suprać «Marybora» stanie dla Ryjery apošnim u roli hałoŭnaha treniera kamandy.
Paśla 18 turaŭ z 43 bałami «Cele» ŭpeŭniena lidziruje ŭ turnirnaj tablicy, apiaredžvajučy na 12 bałaŭ «Kopier» i «Marybor», jakija iduć druhim i trecim.
U hetym siezonie «Cele» hulaŭ u asnoŭnym raŭndzie Lihi kanfierencyi, finišavaŭ 13‑m z 36 kłubaŭ i ŭ płej-of zhulaje z kosaŭskaj «Drytaj».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi
Kamientary