Za studzień—žnivień 2013 hoda salda zamiežnaha handlu tavarami skłała minus 2 młrd 838 młn dalaraŭ, paviedamlaje Biełstat. Za studzień—lipień hety pakazčyk składaŭ minus 2 młrd 187 młn dalaraŭ. Takim čynam, za adzin miesiac admoŭnaje salda ŭzrasło na 651 młn dalaraŭ. U lipieni było minus 600. Deficyt narastaje.
U studzieni—žniŭni minułaha, 2012 hoda, salda zamiežnaha handlu tavarami było stanoŭčym i składała 1 młrd 804 młn dalaraŭ.
Ekspart biełaruskich tavaraŭ za vosiem miesiacaŭ hetaha hoda skaraciŭsia na 22,4% u paraŭnańni z anałahičnym pieryjadam minułaha i skłaŭ 25 młrd 654 młn dalaraŭ. Impart źmienšyŭsia na 8,8%, da 28 młrd 499 młn dalaraŭ.
Deficyt zamiežnaha handlu tavarami nazirajecca, u pryvatnaści, z krainami SND, u tym liku partniorami Biełarusi pa Mytnym sajuzie i AEP (Kazachstanam i Rasijaj) —minus 1433 młn dalaraŭ i minus 3666 młn dalaraŭ adpaviedna.
Ekspart u krainy SND skaraciŭsia na 1,2% (da 15428 młn dalaraŭ) u paraŭnańni sa studzieniem—žniŭniem 2012 hoda, impart — na 20,2% (da 16861 młn.).
Što da krain MS i AEP, to tavaraabarot z Rasijaj źmienšyŭsia na 12,3% (da 26350 młn dalaraŭ), ekspart ža pavialičyŭsia na 5,3% (da 11098 młn dalaraŭ).
Stanoŭčym salda zamiežnaha handlu tavarami zastajecca z Kazachstanam (488 młn dalaraŭ) i krainami ES (701 młn dalaraŭ). Letaś za anałahičny pieryjad salda ŭ handli ź ES składała plus 8261 młn dalaraŭ. Razam z tym tavaraabarot z Kazachstanam źmienšyŭsia na 7,4% (da 602 młn dalaraŭ), ekspart i impart taksama stali mienšyja — na 3,8 i 31,7% adpaviedna.
Tavaraabarot z krainami ES skaraciŭsia na 26,5% (da 14410 młn dalaraŭ). Ekspart źmienšyŭsia na 45,8% (da 7555 młn), impart — uzros na 20,7% (da 6854 młn dalaraŭ).
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary