U centry Minska zamiest taho kab dać aciapleńnie, adklučyli haračuju vadu
U redakcyju «Našaj Nivy» źviarnulisia žychary doma pa vulicy Čyrvonaja ŭ stalicy. Učora, 1 kastryčnika, jany ŭbačyli na dźviarach padjezda abviestku, što da 3 kastryčnika ŭ domie budzie adsutničać haračaja vada.
«Zamiest taho, kab uklučyć aciapleńnie, nam adklučyli haračuju vadu. Zamiest chałodnaj idzie niejkaja niezrazumiełaja ržaŭčyna, — skardzicca čytačka «NN». — My źviarnulisia ŭ ŽES, adnak tam nas nakiravali ŭ ciepłasietki, skazaŭšy, što zaraz u našym rajonie «ŭrazajuć» novy kanał». Čamu jany robiać heta ŭ kastryčniku, tym bolš, što navat siońnia nočču tempieratura apusicca nižej za nul?».
U ciepłasietkach karespandenta «Našaj Nivy» pieranakiravali ŭ ŽES. Stała viadoma, što haračuju vadu adklučli i ŭ šerahu damoŭ na vulicy Jakuba Kołasa.
Načalnik rajona pa ciepłasietkach Alaksandr Słonimski paviedamiŭ, što adklučeńnie – płanavaje.
«My zapuskajem novuju mahistral, tamu vymušany adklučyć haračuju vadu. Tak, heta płanavaje adklučeńnie».
Niahledziačy na toje, što adklučeńnie vady letam u rajonie taksama pravodziłasia, pracy nad mahistrallu nie skončylisia.
«My letam pracavali na terytoryi zavoda Ardžanikidze, siońnia ŭviečary vadu damo», — kaža Słonimski.
Tym nie mienš, čytačy «NN», jakija zastalisia biez vady, płanujuć źviartacca sa skarhaj u Administracyju Łukašenki.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary