Pačaŭsia zbor hrošaj na pieravydańnie padručnika «Čaroŭny kraj – Pastaŭščyna» +numar rachunku
Pastaŭski rajvykankam pačaŭ źbirać hrošy na pieravydańnie knihi Ihara Prakapoviča «Čaroŭny kraj – Pastaŭščyna».
Kniha napisanaja jak padručnik dla historyka-krajaznaŭčaha fakultatyva «Pastavyznaŭstva», pa joj vučacca dzieci ŭ miascovych škołach.
Ihar Prakapovič, aŭtar padručnika – viadomy ŭ Pastavach krajaznaŭca i hramadski dziajač. Vykładaje hieahrafiju ŭ rajonnaj himnazii, kiruje vučnioŭskim krajaznaŭčym hurtkom «Terra Incognita», staršyniuje u miascovaj supołcy Tavarystva biełaruskaj movy. Prakapovič napisaŭ i vydaŭ kala dvuch dziasiatkaŭ krajaznaŭčych vydańniaŭ i paetyčnych zbornikaŭ.
Padručnik «Čaroŭny kraj – Pastaŭščyna» znajomić z hieahrafijaj, historyjaj, kulturnaj spadčynaj, lehiendami i padańniami Pastaŭskaha rajona.
Tekst napisany vielmi prostaj movaj, raźbity na parahrafy, kožny ź jakich zakančvajecca błokam pytańniaŭ. Kožnaja tema z historyi Pastaŭskaha rajona padajecca ŭ kantekście ahulnabiełaruskaj historyi. Kniha ŭpryhožanaja šmatlikimi fotazdymkami (u tym liku archiŭnymi), malunkami, mapami.
Upieršyniu kniha vyjšła čatyry hady tamu ŭ vydaviectvie «Knihazbor» nakładam 100 asobnikaŭ. Ciapier rychtujecca jaje pieravydańnie nakładam 1000 asobnikaŭ z dapaŭnieńniami i multymiedyjnym dadatkam.
Pastaŭski rajvykankam abvieściŭ akcyju pa zbory srodkaŭ na pieravydańnie knihi, jakaja budzie praciahvacca z 20 vieraśnia da 30 śniežnia. Stvoranaja pracoŭnaja hrupa pad kiraŭnictvam namieśnika staršyni rajvykankama Juryja Kisialova.
Hrošy na pieravydańnie knihi «Čaroŭny kraj – Pastaŭščyna» možna pieraličyć na dabračynny rachunak adździeła adukacyi, sportu i turyzmu Pastaŭskaha rajvykankama
(3642324001863 CBU № 230 filiała № 216 OAO «ASB «Biełarusbank» h. Połocka, kod 150801648, UNP 300077155, OKPO 02150258. Sponsorskaja pomoŝ dla podhotovki i izdanija knihi I. M. Prokopoviča «Čaroŭny kraj — Pastaŭščyna»).
Telefony dla daviedak: 8-02155-4-29-88, 8-02155-4-29-82 (adździeł adukacyi, sportu i turyzmu), 8-02155-4-19-35 (adździeł ideałahičnaj raboty, kultury i pa spravach moładzi rajvykankama).
Ciapier čytajuć
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2929
Kamientary