Za vierasień zołatavalutnyja reziervy (ZVR) Biełarusi ŭ vyznačeńni SSRD MVF skaracilisia na 313,7 młn. dalaraŭ i, pavodle papiarednich źviestak, na 1 kastryčnika skłali 7 młrd. 387,7 młn. dalaraŭ ZŠA ŭ ekvivalencie.
Pra heta paviedamiła ŭpraŭleńnie infarmacyi i hramadskich suviaziaŭ Nacyjanalnaha banka.
U nacyjanalnym vyznačeńni abjom ZVR skaraciŭsia za vierasień na 374,9 młn. dalaraŭ ZŠA i na 1 kastryčnika skłaŭ 8 młrd. 44,9 młn. dalaraŭ ZŠA ŭ ekvivalencie.
«Skaračeńnie abjomu zołatavalutnych reziervaŭ hałoŭnym čynam abumoŭlena źnižeńniem cany na zołata na mižnarodnym rynku kaštoŭnych mietałaŭ, a taksama pahašeńniem Nacyjanalnym bankam i ŭradam Biełarusi źniešnich i ŭnutranych abaviazacielstvaŭ u zamiežnaj valucie, jakija ŭ vieraśni hetaha hoda byli vykanany ŭ poŭnym abjomie», — skazana ŭ kamientary Nacbanka.
«Padtrymańniu abjomu zołatavalutnych reziervaŭ spryjała raźmiaščeńnie valutnych ablihacyj Ministerstva finansaŭ Respubliki Biełaruś na ŭnutranym rynku krainy», — adznačaje rehulatar.
Nahadajem, u červieni staršynia Nacbanka Nadzieja Jermakova vykazvała ŭpeŭnienaść u vykanańni prahnozu pa ZVR u 2013 hodzie, abjom jakich na kaniec hoda pavinien skłaści 8-8,3 młrd dalaraŭ pa standartach MVF. «Zołatavalutnyja reziervy ŭ nas vykanany buduć», — skazała Jermakova.
Kažučy pra mahčymyja krynicy pavieličeńnia ZVR, kiraŭnik Nacbanka tłumačyła, što častku reziervaŭ bank zachoŭvaje ŭ svabodna kanviertavanaj valucie, a častku — u rasijskich rublach. U rasijskich rublach valuta zachoŭvajecca ŭ bankach Rasii, bo tam staŭka schadniejšaja. «Pa mižnarodnych standartach hetyja źbieražeńni nie ŭličvajucca, ale ich u luby čas možna prakanviertavać u dalary, kali jany nam buduć nieabchodnyja», — adznačała jana.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary