U Minsku 13‑hadovy chłopiec vypadkova zadušyŭsia, kali zdymaŭ zabaŭlalnaje videa dla sacsietak
A dzicia z aŭtyzmam vyjšła ŭ akno, pakul baćki vypili try litry piva i vyrašyli adpačyć.
Ad pačatku hoda ŭ Minsku zahinuli piać niepaŭnaletnich. Čatyry vypadki suicydu, a adzin padletak zadušyŭsia.
Maci znajšła 13‑hadovaha syna ŭ piatli. Heta nie było suicydam — padstaŭ i namieru pazbavić siabie žyćcia ŭ padletka nie było. Jon chacieŭ zapisać videa zabaŭlalnaha charaktaru, ale sproba, na žal, zaviaršyłasia niaščasnym vypadkam sa śmiarotnym vynikam.
Staršy prakuror adździeła prakuratury pa nahladzie za vykanańniem zakanadaŭstva ab niepaŭnaletnich i moładzi Viktoryja Kapyłova raspaviała «Minsk-Navinam» i pra inšy trahičny vypadak: zahinuła dzicia ź invalidnaściu, u jakoha dyjahnastavany aŭtyzm.
Baćki padčas abiedu vypili try litry piva i lahli adpačyvać. Ich syn spačatku siadzieŭ pobač ź imi z telefonam, a potym jamu stała sumna, i jon vyjšaŭ na bałkon, adkul i vypaŭ.
A ŭ mai dvoje 13‑hadovych padletkaŭ nabyli ŭ kramie rułon folhi i sumieś dla pračystki trub. Jany źbiralisia pravieści ź imi dośled, źmiašaŭšy rečyvy ŭ butelcy z vadoj, — chłopcam było cikava daviedacca, jakaja chimičnaja reakcyja adbudziecca. Raptam butelka pačała nahravacca i łopnuła ŭ rukach adnaho sa školnikaŭ. Jaje źmieściva trapiła jamu na tvar i šyju. Padletak atrymaŭ surjoznyja apioki, ale vyžyŭ.
Ciapier čytajuć
Viadučy STB Raman Pratasievič pabraŭsia šlubam trecim razam15
Kamientary