Žychar Jarasłaŭla atrymaŭ 14 hadoŭ kałonii za zdymki mahił rasijskich vajskoŭcaŭ. Heta acanili jak zdradu dziaržavie
8 vieraśnia Jarasłaŭski abłasny sud asudziŭ 48‑hadovaha Mikałaja Ščarbakova da 14 hadoŭ kałonii pa spravie ab dziaržaŭnaj zdradzie, paviedamlaje miascovaje vydańnie 7x7.
Pavodle viersii suda, pačynajučy z kastryčnika 2024 hoda mužčyna pieradavaŭ ukrainskim śpiecsłužbam fota i videa mahił vajskoŭcaŭ na miemaryjalnych mohiłkach.
Spravu razhledzieli ŭsiaho za miesiac. Miarkujučy pa apublikavanym pres-słužbaj suda fota, Ščarbakaŭ byŭ zatrymany zimoj. Ci pryznaŭ jon svaju vinu, nie paviedamlajecca.
Heta pieršy viadomy vypadak, kali za zdymki mahił vajskoŭcaŭ u Rasii vynieśli prysud pavodle artykuła ab dziaržaŭnaj zdradzie.
U červieni supracoŭniki FSB zatrymali pa anałahičnaj spravie niekalkich žycharoŭ Tomskaj vobłaści. Taksama ŭ červieni ŭ Jekaciarynburhu zatrymali dźviuch dziaŭčat za zdymki mahił vajskoŭcaŭ. Paśla hetaha na adnych z elitnych haradskich mohiłak źjaviłasia tablička z papiaredžańniem pra mahčymuju adkaznaść za fatahrafavańnie mahił udzielnikaŭ vajny suprać Ukrainy.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
70‑hadovuju piensijanierku asudzili na 15 hadoŭ za danaty na USU. Paśla prysudu jana zaśpiavała «Ridna mati moja»
U Rasii abjavili pra 23‑hadovy prysud dla «polskaha špijona»
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary
skoro pypa sdiełajet vchod na vsie kładbiŝa rośsii po śpiecpropuskam, daby popytaťsia ukłoniťsia ot otvietstviennosti za svoi priestuplenija vmiestie s kuroŝupom.