«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
Historyja 24‑hadovaj miedsiastry Volhi Zajcavaj i jaje muža-biełarusa Mikity mahła b stać siužetam dla dramatyčnaha sieryjała. Chłopiec, jaki abiacaŭ być idealnym baćkam, spačatku zalez u daŭhi, pačaŭ pić i hulać u kazino, potym źbieh ad ciažarnaj žonki na vajnu, znajšoŭ tam inšuju dziaŭčynu, a ŭ vyniku — źnik bieź viestak. Ciapier aficyjnaja žonka šukaje ŭ tematyčnych čatach, jak atrymać hrašovyja vypłaty za jaho hibiel.
Volzie Zajcavaj 24 hady, jana z Homiela. Miarkujučy pa fotazdymkach u sacsietkach, dziaŭčyna pracuje miedsiastroj.
Jaje muž Mikita na hod maładziejšy. Viadoma, što jon vučyŭsia ŭ kadeckim kłasie ŭ Homieli.
Adnosiny pamiž Volhaj i Mikitam pačalisia kala siami hadoŭ tamu. Nieŭzabavie naradziŭsia syn.
Siamiejnaje žyćcio z časam pieratvaryłasia ŭ kašmar. Mikita zarablaŭ mała, zatoje pačaŭ pić i hulać u kazino, zalez u daŭhi i nabraŭ kredytaŭ. Kali synu musiła spoŭnicca piać hadoŭ, Volha nie vytrymała i prapanavała razvod. Mikita hanarysta syšoŭ. Ale praz dva tydni dziaŭčyna daviedałasia, što znoŭ ciažarnaja.
Jašče praź miesiac Mikita abjaviŭsia ź niečakanaj navinoj: kab raźličycca ź finansavymi prablemami i davieści, što jon nie siadzić «na šyi ŭ mamy», jon padpisaŭ kantrakt na ŭdzieł u «SVA».
Niahledziačy na mocnuju kryŭdu, žonka daravała jamu, chadziła adna na UHD i praciahvała čakać. Adnak mužčyna adździačyŭ pa-svojmu: u niejki momant prosta pierastaŭ vychodzić na suviaź, staŭ ihnaravać paviedamleńni i kinuŭ Volhu ŭ čorny śpis. Jon navat nie patelefanavaŭ, kab pavinšavać starejšaha syna ź piacihodździem.
Nieŭzabavie ŭsio stała na svaje miescy — u lipieni Mikita vykłaŭ u sacsietki fota z novaj pasijaj na fonie rasijskaha ściaha. «Čałaviek prosta vybraŭ pačać novaje žyćcio, zabyŭsia pra dziaciej u adno imhnieńnie. I navat na razvod nie padavaŭ», — sa ślaźmi skardziłasia Volha.
Ale «novaje žyćcio» Mikity akazałasia zusim karotkim. Užo ŭ žniŭni Volha pačała pisać u śpiecyfičnyja rasijskija supołki dla tych, chto čakaje svajakoŭ z vajny.
Ź jaje paviedamleńniaŭ vynikaje, što ź siaredziny žniŭnia biełarus kančatkova źnik z radaraŭ i atrymaŭ aficyjny status źnikłaha bieź viestak. Sasłužyŭcy paviedamili žančynie, što Mikita zahinuŭ, ale da evakuacyi jaho cieła niejak nie dajšło.
Ciapier kinutaja im žonka vymušana vyśviatlać u čatach čarhovyja jurydyčnyja niuansy: jak dakazać śmierć biez najaŭnaści cieła i jakija finansavyja vypłaty za Mikitu naležać joj i dzieciam.
«Naša Niva» — bastyjon biełaruščyny
PADTRYMAĆ23‑hadovy Katana z Kareličaŭ źnik pad Kupianskam. Maci zapisvaje adčajnyja, ale marnyja videazvaroty
«Mierkavana, zahinuŭ. Evakujavać niemahčyma». Minski adździełačnik Alaksiej nie vierniecca z vajny suprać Ukrainy
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary