22‑23 vieraśnia na harnałyžnaj bazie pad Łahojskam prajšoŭ čaćviorty festyval piva. Biełaruski analah niamieckaha «Aktoberfestu» naviedaŭ Jarasłaŭ Ściešyk.
22‑23 vieraśnia na harnałyžnaj bazie pad Łahojskam prajšoŭ čaćviorty festyval piva. Sponsarami i arhanizatarami vystupili ajčynnyja i zamiežnyja vytvorcy piva, charčovych tavaraŭ i arhanizatary zabaŭlalnych mierapryjemstvaŭ.
Sam festyval źjaŭlajecca svojeasablivym varyjantam miunchienskaha «Aktoberfestu», upłyŭ jakoha adčuvaŭsia i pad Łahojskam. Piva, u tym liku i niamieckaje, liłosia rakoj, adzin ź viadučych byŭ apranuty «bavarcam», hučała žyvaja niamieckaja muzyka, a na adkryćci festu prysutničaŭ namieśnik ambasadara Hiermanii.
Adnak nazvać Kubak Piva poŭnaj kalkaj ź niamieckaha analahu niemahčyma. Biełaruskaści dadavali siaredniaviečnyja vajary ŭ bliskučych daśpiechach, viadoŭca Pan Chmielu, apranuty ŭ śviatočny brovarski stroj, i niepaŭtorny smak ajčynnaha piva.
Niedarečnaści ŭ arhanizacyi śviata stali ŭžo «tradycyjaj». Nierehularnaść maršrutnaha transpartu da miesca praviadzieńnia i spradviečny niedachop prybiralniaŭ naŭrad ci spryjali nastroju naviedvalnikaŭ. Jość čamu pavučycca ŭ niemcaŭ. Naprykład, viadomy rasiejski vytvorca nie paskvapiŭsia na pavietrany šar i ahromnisty paviljon, ale naviedniki stanavailisia ŭ čerhi da niamieckich pivavaraŭ, dzie za kožny kubak niatannaha piva davali jakasnyja pryzy.
Kali raŭnać «Kubak piva 2007» ź minułahodnim, to vidavočna mieniej stała žyvoj muzyki i naviedvalnikaŭ . Staryja niamieckija rokiery «Agless» i małady biełaruski hurt «Katy» słaba razredzili bomkańnie dens-miksaŭ, nie było tancavalnych kalektyvaŭ. Konkursy zastalisia na tym samym uzroŭni, što i raniej, niekatoryja navat nie źmianilisia.
Rycary, teatralizavanyja pastanoŭki na staražytny ład, muzyki‑rekanstruktary i ahniavoje šoŭ stali sioletniaj navinkaj. Raniej takija kalektyvy možna było ŭbačyć tolki na siaredniaviečnych festyvalach, adnak papularnaść i pryhažość vidovišča adkryła darohu staražytnaj kultury i na takija śviaty, jak Dažynki, Dzień horadu i Piŭny fest. I dobra, bo rycarstva nia tolki staje vizytoŭkaj Biełarusi, ale i nahadvaje pra staradaŭniuju historyju našaha kraju, pra časy, kali našyja prodki i piva varyli i Radzimu baranili.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary