Ułady ŭdvaja źnizili prahnazavany na 2014 rost prybytkaŭ nasielnictva
Zhodna z prajektam prahnozu, rost dachodaŭ składzie 3%. Raniej urad zakładvaŭ na 2014 rost realnych najaŭnych dachodaŭ nasielnictva ŭ pamiery 6%.
Rost realnych najaŭnych dachodaŭ nasielnictva składzie ŭ 2014 hodzie 3%. Pavodle infarmacyi BiełaPAN, takaja acenka pryvodzicca ŭ prajekcie prahnozu sacyjalna-ekanamičnaha raźvićcia, jaki padrychtavali ekanamičnyja viedamstvy.
Nahadajem, u 2012 hodzie realnyja najaŭnyja hrašovyja dachody (za vylikam padatkaŭ, zboraŭ i ŭznosaŭ, skarekciravanyja na indeks spažyvieckich cen na tavary i pasłuhi) vyraśli na 21,5%.
Pavodle vynikaŭ 2013 hoda, zhodna z acenkami ekanamičnych uład, realnyja najaŭnyja hrašovyja dachody nasielnictva vyrastuć na 17,6%.
U nastupnym hodzie, zhodna z prajektam prahnozu, rost dachodaŭ składzie 3%. Raniej urad zakładvaŭ na nastupny hod rost realnych najaŭnych dachodaŭ nasielnictva ŭ pamiery 6%.
Treba adznačyć, što pradstaŭniki Mižnarodnaha valutnaha fodu rekamiendujuć biełaruskim uładam źnizić tempy rostu zarpłat.
«Paharšeńnie płaciežnaha bałansu vyklikana ŭ tym liku bolš chutkim rostam zarpłat i pavieličeńniem metavaha kredytavańnia.
Tamu, kab vyrašyć prablemu, nieabchodna prymianiać kompleksny padychod, jaki pavinien nacelvacca na žorstkaje kiravańnie ŭnutranym popytam», — zajaviŭ kiraŭnik misii MVF u Biełarusi Devid Chofman na pres-kanfierencyi 28 kastryčnika.
Kiraŭnik misii fondu padkreśliŭ, što adnoj ź nieabchodnych mier źjaŭlajecca abmiežavańnie dachodaŭ nasielnictva.
«U pryvatnaści, na našu dumku, nieabchodna rezka skaracić rost zarabotnaj płaty i metavaha kredytavańnia — dvuch hałoŭnych faktaraŭ uzmacnieńnia dysbałansaŭ. Akramia taho, nieabchodnyja dadatkovyja miery pa karekciroŭcy paharšeńnia salda dziaržaŭnaha biudžetu», — reziumavaŭ Chofman.
Jak paviedamlałasia raniej, realnyja najaŭnyja hrašovyja dachody nasielnictva ŭ studzieni—žniŭni 2013 hoda vyraśli na 18,8% u paraŭnańni z anałahičnym letašnim pieryjadam.
Kamientary