Sielski złodziej ź Lubanščyny pajechaŭ farsiravać Sievierski Daniec — tolki praz hod svajaki zaŭvažyli, što jon zhinuŭ
Staŭ viadomy los jašče adnaho biełaruskaha džentlmiena ŭdačy, jaki naniaŭsia ŭ pucinskaje vojska. Michaił Rahalevič z-pad Lubani byŭ viadomy pieradusim jak drobny sielski złodziej, recydyvist, jaki ciahnie ŭsio što trapicca. Sproba pačać novaje žyćcio była niaŭdałaj.
Michaiła Rahaleviča paru dzion tamu pačaŭ šukać rodny brat. Brat pryznaje, što nie viedaje amal ničoha, tolki pazyŭny i čas zaklučeńnia kantrakta — «prykładna hod tamu» — a taksama kirunak. Biełarus pajechaŭ dapamahać rasijskamu vojsku farsiravać raku Sievierski Daniec.
Jak možna zrazumieć z sacyjalnych sietak Michaiła — niaŭdała. Tamu što jon nie paśpieŭ navat apublikavać svaich fota ŭ vajskovaj formie, jak robiać inšyja džentlmieny ŭdačy, jakija žyvuć chacia b paru tydniaŭ.
Apošni post Michaiła ŭ Adnakłaśnikach zrobleny ŭ krasaviku 2025-ha.
Čym zapomniŭsia Michaił? Naradziŭsia ŭ 1986 hoda ŭ vioscy Kanstancinaŭka Lubanskaha rajona Minskaj vobłaści.
Na praciahu čatyroch hadoŭ — z 2010‑ha da 2013‑y — trojčy sudzimy.
Pa dadzienych Belpol, pieršaja sudzimaść u 2010 hodzie: č. 2 art. 205 Kryminalnaha kodeksa (kradziež učynieny paŭtorna, abo hrupaj, abo z praniknieńniem u žyllo). Rahaleviču dali dva hady chatniaj chimii, ale jon nie vytrymaŭ takoha režymu — u vyniku ŭ 2011‑m atrymaŭ hod kałonii za ŭchileńnie ad adbyćcia pakarańnia.
Paśla vychadu z kałonii Michaił znoŭ zalez da susieda ŭ chatu i znoŭ atrymaŭ 205 artykuł. Sud pryznaŭ recydyvistam, ale vypisaŭ tolki paŭtara hoda chatniaj chimii.
Jak možna zrazumieć z baz FSAN, aficyjna Rahalevič u žyćci asabliva i nie pracavaŭ. Jość tolki zapis ab tym, što ŭ 2015‑m — paśla sudoŭ — pasprabavaŭ siabie roznarabočym u kałhasie pobač ź miescam žycharstva.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary
Ŝuki appietit kak letom 22-ho potieriali tak bolšie na nas vnimanija i nie obraŝajut, dažie obidno kak-to. Nieskiem v dohoniałki poihrať.