Biełaruś raspracuje miery, jakija abaroniać ajčynnych aŭtavytvorcaŭ u suviazi z uviadzieńniem u Rasii ŭtylizacyjnaha zboru na aŭtamabili.
Pra heta zajaviŭ pieršy namieśnik premjer-ministra Uładzimir Siamaška, vystupajučy 31 kastryčnika ŭ Minsku na pasiadžeńni abiedźviuch pałat biełaruskaha parłamienta.
«My pavinny vyrašyć hetaje pytańnie da kanca hoda, kab nie paciarpieli našy vytvorcy», — padkreśliŭ jon.
Siamaška paviedamiŭ, što hetaja tema 30 kastryčnika abmiarkoŭvałasia ŭ premjer-ministra. Było dadziena daručeńnie Ministerstvu ekanomiki sumiesna ź inšymi ministerstvami i viedamstvami padrychtavać adpaviedny ŭkaz prezidenta.
Pieršy vice-premjer zaznačyŭ, što straty biełaruskich vytvorcaŭ, źviazanyja z uviadzieńniem u Rasii ŭtylizacyjnaha zboru, jaki budzie bracca pavodle pryncypu krainy pryznačeńnia, aceńvajucca ŭ 350 młn. dołaraŭ u hod.
Utylizacyjny zbor u Rasii ŭvodzicca 1 studzienia 2014 hoda. Adpaviedny zakonaprajekt pryniaty Dziarždumaj u druhim i trecim čytańniach. Zbor budzie vypłačvacca za kožny kołavy transpartny srodak, što ŭvozicca ŭ Rasiju ci vyrablajecca na jaje terytoryi. Vidy i katehoryi transpartu, a taksama paradak vyličeńnia zboru buduć vyznačacca ŭradam.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary