66% vybarcaŭ padtrymali zapis u kanstytucyju pałažeńnia ab tym, što «šlub — heta sajuz miž mužčynam i žančynaj».
Tolki 33% prahałasavali suprać.
Refierendum byŭ arhanizavany katalickaj inicyjatyvaj «U imia siamji» šlacham zboru podpisaŭ.
Charvatyja — katalickaja kraina na Bałkanach, jakaja niadaŭna ŭstupiła ŭ Jeŭrasajuz.
Premjer Charvatyi Zoran Miłanavič zajaŭlaŭ, što prahałasuje suprać papraŭki. A voś lidar apazicyjnaj Charvackaj demakratyčnaj sadružnaści Tamisłaŭ Karamarka byŭ «za».
Pytańni siamji i šlubu ŭ ES vyrašajucca na nacyjanalnym uzroŭni. Niekatoryja dziaržavy apošnim časam dazvolili šluby miž asobami adnaho połu. Heta Niderłandy, Ispanija, Šviecyja. U takich krainach adnapołyja siemji majuć adnolkavyja sa zvyčajnymi majomasnyja i jurydyčnyja pravy.
Katalickaja carkva vystupaje suprać takich šlubaŭ. Ciarpimaje staŭleńnie da seksualnaj aryjentacyi nie pavinna aznačać razbureńnia tradycyjnaj madeli siamji, miarkujuć inicyjatary charvackaha refierendumu.
Raniej u Charvatyi adnapołyja šluby nie pryznavalisia, ale de-fakta mieli tyja ž pravy, što i raznapołyja pary, jakija nie ŭzakońvali svaje adnosiny. Naprykład, padatkovyja lhoty pry atrymańni spadčyny.
Va Ukrainie zahinuła 24-hadovaja biełaruskaja dobraachvotnica Maryja Zajcava25
Kamientary