«Art Siadziba» raspačynaje «Škołu art-menedžara» dla maładych, aktyŭnych, kreatyŭnych i tvorča nastrojenych ludziej, kab navučyć asablivaściam pracy ŭ śfiery kulturnaha menedžmentu. Dedłajn padačy zajavak — 1 studzienia 2014 hoda.
«Škoła art-menedžara» — heta novyja viedy i ŭmieńni ad majstroŭ svajoj spravy: menedžaraŭ u śfiery kultury, arhanizataraŭ kancertaŭ, śpiecyjalistaŭ pa prasoŭvańni art-praduktaŭ i inšych.
Da ŭdziełu ŭ Škole zaprašajucca maładyja aktyŭnyja, kreatyŭnyja i tvorča nastrojenyja ludzi, jaki ŭ budučyni chočuć arhanizoŭvać svaje mierapryjemstvy.
Za čas navučańnia ŭdzielniki daviedajucca, z čaho pačynać arhanizacyju i praviadzieńnie ŭdałaha mierapryjemstva, jak padabrać dobruju placoŭku dla kancerta, jak pravilna stvarać afišy, jak efiektyŭna pravieści infarmacyjnuju i rekłamnuju kampanii i šmat inšaha. Na sieminary buduć prychodzić nie tolki lektary, ale i cikavyja hości — aŭtary kreatyŭnych kulturnych prajektaŭ, jakija padzielacca svaim dośviedam sa studentami Škoły.
Paśla projdzienaha kursa navučency zmohuć pravieści svaje mierapryjemstvy pry padtrymcy «Art Siadziby».
Pa vynikach Škoły budzie źniaty dakumientalny film «Ad idei da padziei — 2», jaki raskaža pra toje, jak idei ŭdzielnikaŭ Škoły pieratvarylisia ŭ realnaść.
Padać zajaŭku na «Škołu art-mieniedžara» možna na sajcie. Udzieł va ŭsich mierapryjemstvach Škoły biaspłatny. Arhanizatary nie kampiensujuć vydatki na prajezd i pražyvańnie ŭdzielnikam ź inšych haradoŭ. Svaje pytańni nakiroŭvajcie na e-mail: [email protected].
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary