Uładalnik Dankoff Club Juryj Dańkoŭ asudžany na vosiem hadoŭ pazbaŭleńnia voli z kanfiskacyjaj majomaści. Taki pryhavor abvieščany 23 śniežnia ŭ sudzie Maskoŭskaha rajona Minska.
2 śniežnia dziaržaŭny abvinavaŭca paprasiŭ sud pryhavaryć biźniesmiena da dzieviaci hadoŭ pazbaŭleńnia voli z kanfiskacyjaj majomaści.
Juryj Dańkoŭ byŭ zatrymany 4 vieraśnia 2012 hoda. Praz try dni jamu było vystaŭlena abvinavačańnie na padstavie č. 2 art. 171 Kryminalnaha kodeksa (vykarystańnie prastytucyi abo stvareńnie ŭmoŭ dla prastytucyi, učynienyja słužbovaj asobaj z vykarystańniem svaich słužbovych paŭnamoctvaŭ).
Dańkovu inkryminavana ŭčynieńnie złačynstvaŭ, praduhledžanych siamiu artykułami Kryminalnaha kodeksa: uchileńnie ŭ pieryjad sa studzienia 2007 hoda pa vierasień 2012 hoda ad vypłaty sum padatkaŭ i zboraŭ, što paciahnuła pryčynieńnie ŭronu dziaržavie ŭ asabliva bujnym pamiery ŭ ahulnaj sumie 918,1 młn. rubloŭ; arhanizacyja i ŭtrymańnie ŭ 2011—2012 hadach słužbovaj asobaj z vykarystańniem słužbovych paŭnamoctvaŭ u zabaŭlalnaj ustanovie, što naležyć jamu, prytonu dla prastytucyi, a taksama vykarystańnie prastytucyi inšymi asobami, źviazanaje z atrymańniem vyhady majomasnaha charaktaru; uniasieńnie słužbovaj asobaj zaviedama niepraŭdzivych źviestak i zapisaŭ u aficyjnyja dakumienty, padroblivańnie dakumientaŭ, a taksama składańnie i vydača zaviedama falšyvych dakumientaŭ z karyślivaj i inšaj asabistaj zacikaŭlenaści; padroblivańnie inšych aficyjnych dakumientaŭ, jakija dajuć pravy, u metach vykarystańnia takich dakumientaŭ samim vykanaŭcam abo inšymi asobami, zbyt takich dakumientaŭ, a taksama vykarystańnie zaviedama padłožnych dakumientaŭ; dapamahańnie ŭ falsifikacyi dokazaŭ pa hramadzianskaj spravie asobie, jakaja ŭdzielničaje ŭ spravie; uciahvańnie žančyn u prastytucyju z metaj nastupnaha atrymańnia vyhady ad prastytucyi; zachoŭvańnie z metaj rekłamavańnia i rekłamavańnie parnahrafičnaha materyjału, a taksama publičnaja demanstracyja videafilma parnahrafičnaha źmiestu.
Sud nad Dańkovym pačaŭsia 18 vieraśnia.
Kamientary