Homielski abłasny sud 30 śniežnia pryhavaryŭ da pažyćciovaha źniavoleńnia abodvuch fihurantaŭ rezanansnaj spravy pra zabojstva miascovaha pradprymalnika i jaho staroj maci.
Pavodle materyjałaŭ kryminalnaj spravy, 20-hadovy dydžej paprasiŭ svajho znajomaha zabić baćku i babulu, paabiacaŭšy za heta 15 tysiač dołaraŭ. Zamoŭca zabojstva spadziavaŭsia, što atrymaje spadčynu i paśla hetaha raźličycca z vykanaŭcam. Baćka dydžeja zajmaŭsia prakatam elitnych aŭtamabilaŭ.
Kryminalnaja sprava była raspačata ŭ śniežni 2012 hoda. Pra zabojstva pradprymalnika i jaho maci 1939 hoda naradžeńnia stała viadoma paśla pažaru ŭ ich domie. Ratavalniki pry tušeńni pažaru znajšli cieły dvuch ludziej sa śladami hvałtoŭnaj śmierci. Pavodle padazreńnia va ŭčynieńni złačynstva apieratyŭniki zatrymali dvuch padazronych: 20-hadovaha syna zahinułaha, žychara Branskaj vobłaści, dydžeja, i jaho znajomaha-adnahodku, žychara Homiela.
Padčas śledstva vyśvietliłasia, što klučy ad doma pradprymalnika svajmu znajomamu pieradaŭ dydžej. Vykanaŭca złačynstva zajšoŭ nočču ŭ dom, ale jaho zaŭvažyŭ mužčyna, jaki pračnuŭsia. Zaviazałasia baraćba.
Na šum vyjšła maci pradprymalnika. Abvinavačany zabiŭ ich, nanosiačy ŭdary małatkom, čajnikam, butelkaj šampanskaha. Zabiŭšy pradprymalnika i jaho maci, vykanaŭca nieadnarazova viartaŭsia ŭ dom achviar, kab vykradać materyjalnyja kaštoŭnaści: hrošy, darahi ałkahol, ajfon koštam 6 miljonaŭ rubloŭ, jaki jon pieradaŭ zamoŭcu zabojstva.
Prykładna praz tydzień vykanaŭca viarnuŭsia ŭ dom, abliŭ jaho bienzinam i padpaliŭ. Vykanaŭca i zamoŭca aktyŭna abmiarkoŭvali detali złačynstva pry dapamozie SMS-paviedamleńniaŭ i pierapiski ŭ sacyjalnych sietkach.
Maładyja ludzi raniej sudzimyja nie byli. Jany abvinavačvalisia ŭ arhanizacyi zabojstva, zabojstvie pa najmie, kradziažy, padpale i jašče šerahu złačynstvaŭ.
Dziaržaŭny abvinavaŭca zapatrabavała pakarać abodvuch pažyćciovym źniavoleńniem. Vystupajučy ŭ sudovym pasiadžeńni, dziaržabvinavaŭca zajaviła, što vina abvinavačanych dakazana poŭnaściu, sabrany nieabchodnyja dokazy pa spravie.
Vykanaŭca zabojstva poŭnaściu pryznaŭ vinu i aktyŭna supracoŭničaŭ sa śledstvam, davaŭ padrabiaznyja pakazańni, što źjaŭlajecca akaličnaściu dla źmiakčeńnia pryhavoru. Na sudovym pasiadžeńni jon raskajaŭsia, płakaŭ, prasiŭ prabačeńnia.
U svaju čarhu zamoŭca zabojstva na praciahu ŭsiaho śledstva, a taksama ŭ sudzie admaŭlaŭ svaju vinu, zajaŭlajučy pra toje, što prosta prasiŭ znajomaha «pakarać baćku». Jon nieadnarazova mianiaŭ pakazańni, kazaŭ, što baćka drenna da jaho staviŭsia i davaŭ mała hrošaj. Adnak hetyja pakazańni abviarhajucca dokazami, atrymanymi pa spravie. U pryvatnaści SMS-pierapiskaj, a taksama pierapiskaj u sacsietkach, pakazańniami śviedak, rečyŭnymi dokazami.
Va Ukrainie zahinuła 24-hadovaja biełaruskaja dobraachvotnica Maryja Zajcava12
Kamientary