Jak paviedamlajuć pravaabaroncy ź niezarehistravanaha centru «Viasna», padčas vybarčaj kampanii u Biełarusi kryminalnyja spravy pa palityčnych matyvach uzbudžanyja suprać 21 hramadskich aktyvistaŭ. Adzin ź ich asudžany na 5 miesiacaŭ aryštu, 8 znachodziacca ŭ SIZA pad vartaj da razhladu spravy ŭ sudzie. Administracyjnym šlacham (aryštami na sutki, štrafam i h.d.) pa usioj krainie za sakavik było pakarana 1200 čałaviek.
Jak paviedamlajuć pravaabaroncy ź niezarehistravanaha centru «Viasna», padčas vybarčaj kampanii u Biełarusi kryminalnyja spravy pa palityčnych matyvach uzbudžanyja suprać 21 hramadskich aktyvistaŭ. Adzin ź ich asudžany na 5 miesiacaŭ aryštu, 8 znachodziacca ŭ SIZA pad vartaj da razhladu spravy ŭ sudzie. Administracyjnym šlacham (aryštami na sutki, štrafam i h.d.) pa usioj krainie za sakavik było pakarana 1200 čałaviek.
Kryminalny pieraśled hramadzianaŭ Biełarusi pa palityčnych matyvach padčas prezydenckaj vybarčaj kampanii 2006 h. Dadzieny manitorynh, padrychtavany pravaabaroncami, utrymlivaje infarmacyju ab kryminalnych spravach, uzbudžanych u Biełarusi pa palityčnych matyvach ŭ pieryjad praviadzieńnia prezydenckaj vybračaj kampanii.
Vybary Prezidenta Respubliki Biełaruś byli abvieščanyja pavodle Pastanovy Pałaty pradstaŭnikoŭ Nacyjanalnaha schodu Respubliki Biełaruś 16 śniežnia 2005 h. Napiaredadni, 15 śniežnia, taja ž samaja Pałata pradstaŭnikoŭ amal adzinahałosna pryniała Zakon Respubliki Biełaruś «Ab uniasieńni dadatkaŭ i źmienaŭ u niekatoryja zakanadaŭčyja akty Respubliki Biełaruś pa pytańniach uzmacnieńnia adkaznaści za dziejańni, skiravanyja suprać čałavieka i hramadzkaj biaśpieki». Zhodna z dadzienym Zakonam, u dziejučy Kryminalny kodeks Respubliki Biełaruś byŭ uniesieny šerah palityčnych artykułaŭ, siarod jakich: art. 193 (arhanizacyja albo kiraŭnictva dziejnaściu hramadzkim ab`iadnańniem, relihijnaj arhanizacyjaj, jakaja pasiahaje na asobu, pravy i abaviazki hramadzianaŭ), art. 193.1 (niezakonnaja arhanizacyja dziejnaści hramadzkaha ab`iadnańnia, relihijnaj arhanizacyi ci fonda albo ŭdzieł u ich dziejnaści), art. 369.1 (deskredytacyja Respubliki Biełaruś).
Dadzienyja źmieny ŭstupili ŭ dziejańnie z 1 studzienia 2006 h. Užo praź miesiac była raspačataja pieršaja kryminalnaja sprava pa adnym z dadzienych artykułaŭ. Uviadzieńnie ŭ dziejańnie dadzienych artykułaŭ vyklikaje najbolšuju zaniepakojenaść z boku pravaabarončych arhanizacyjaŭ Biełarusi. Dadzienyja artykuły parušajuć fundamientalnyja hramadzianskija pravy čałavieka — prava na svabodu asacyjacyjaŭ, svabodu słova, svabodu mierkavańniaŭ i pierakanańniaŭ, supiarečać asnoŭnym mižnarodnym aktam u halinie pravoŭ čałavieka, ratyfikavanych Respublikaj Biełaruś i pryniatych AAN — Usieahulnaj Dekłaracyi pravoŭ čałavieka i Paktu ab hramadzianskich i palityčnych pravach.
Treba adznačyć, što ŭłady aktyŭna vykarystoŭvali i inšyja artykuły Kryminalnaha kodeksu ŭ palityčnych metach. Asabliva heta datyčyłasia aktyvistaŭ moładzievych ruchaŭ. Vielmi časta napisańnie palityčnych hrafici na budynkach kvalifikavałasia jak chulihanstva ci złosnaje chulihanstva. Takim čynam ułady, pa-pieršaje, atrymlivali mahčymaść kvalifikavać dziejańni apazicyjnych aktyvistaŭ pa bolš žorstkich artykułach KK i ŭtrymlivać abvinavačanych pad vartaj da suda, a pa-druhoje, pradstavić aktyvistaŭ apazicyi ŭ vačach hramadzkaści nie palityčnymi viaźniami, a drobnymi kryminalnikami, nie majučymi ničoha ahulnaha z palityčnaj dziejnaściu.
Pavialičeńnie palityčna-matyvavanych kryminalnych spravaŭ śviedčyć ab uzmacnieńni palityčnach represij u krainie napiaredadni vybaraŭ Prezidenta Respubliki Biełaruś.
Na dadzieny momant, pačynajučy sa śniežnia minułaha hodu, kryminalnyja spravy pa palityčnych matyvach uzbudžanyja suprać 21 hramadska-palityčnych aktyvistaŭ. Adzin ź ich asudžany na 5 miesiacaŭ aryštu, 8 asobaŭ znachodziacca ŭ SIZA pad vartaj da razhladu spravy ŭ sudzie.
1. Kryminalnaja sprava suprać Alaksandra Kazakova i Źmiciera Zubro
Aktyvistaŭ ruchu «Zubr» Alaksandra Kazakova i Źmiciera Zubro zatrymali ŭnoč na 28 śniežnia 2005 hoda za palityčnyja hrafici (ličba 16, jakaja zaklikaje da ŭdziełu ŭ Dni salidarnaści z palitzńniavolenymi). Maładyja ludzi praviali bolš za dvoje sutak u izalatary časovaha ŭtrymańnia i byli adpuščanyja pad padpisku ab niavyjeździe. Im prad`iaŭlenaje abvinavačańnie pa č. 2 art. 363 Kryminalnaha Kodeksa (supraciŭ supracoŭniku milicyi). Dadzieny artykuł praduhledžvaje pakarańnie ŭ vyhladzie abmiežavańnia voli na termin da piaci hadoŭ albo pazbaŭleńnie voli na toj ža termin.
Na dadzieny momant sprava znachodzicca ŭ sudzie Centralnaha r-na h. Minska i pa joj pačałosia sudovaje raźbiralnictva.
2. Kryminalnaja sprava suprać Paŭła Krasoŭskaha
U horadzie Žodzina pa art. 369 Kryminalnaha Kodeksa (publičnaja abraza słužbovych asobaŭ) ŭzbudžanaja kryminalnaja sprava ŭ adnosinach Paŭła Krasoŭskaha — aktyvista moładzievaha demakratyčnaha ruchu, siabra inicyjatyŭnaj hrupy Alaksandra Milinkieviča. Sprava ŭzbudžanaja za toje, što ŭ biuleteni «Naziralnik» byli nadrukavanyja satyryčnyja karykatury na kiraŭnictva horada. Dadzienyja karykatury byli znojdzienyja padčas vobysku, jaki byŭ praviedzieny ŭ kvatery Paŭła Krasoŭskaha ŭ śniežni 2005 h.
Na dadzieny momant P. Krasoŭski prachodzić pa spravie ŭ jakaści padazravanaha i aficyjnaha abvinavačvańnia jamu nie prad`iaŭlałasia.
Art. 369 KK RB praduhledžvaje pakarańnie ŭ vyhladzie hramadzkich pracaŭ, štrafa, ci papraŭčymi rabotami terminam da dvuch hadoŭ, ci aryštam terminam da šaści miesiacaŭ, ci abmiežavańniem voli terminam da troch hod.
3. Kryminalnaja sprava suprać Źmiciera Kaśpiaroviča
Kryminalnaja sprava ŭzbudžanaja suprać aktyvista Partyi BNF Źmiciera Kaśpiaroviča, zatrymanaha ŭnoč z 17 na 18 studzienia 2006 h. pa padozrańniu ŭ abrazie dziaržaŭnych simvałaŭ. Pa słovach Z.Kaśpiaroviča jon sapraŭdy zalez na budynak Minharvykankamu i sprabavaŭ źniać aficyjny ściah, bo ličyć jaho stalinskim. Adkaznaść za abrazu dziaržaŭnych simvałaŭ pa art. 370 KK RB nie praduhledžvaje pazbaŭleńnie voli (maksimalnaje pakarańnie 1 hod abmiežavańnia voli), i pa dadzienym artykule nielha ŭtrymlivać pad vartaj u SIZA da suda. Ale abvinavačvańnie Z. Kaśpiaroviču było prad`iaŭlenaje pa č. 1 art. 339 KK (chulihanstva), i pakarańnie, praduhledžanaje pa hetym artykule — 3 hady pazbaŭleńnia voli. Mieraj strymańnia prakuratura abrała ŭtrymańnie pad vartaj, da suda Źmicier Kaśpiarovič znachodziŭsia ŭ SIZA h. Minska.
27 lutaha sud Maskoŭskaha rajonu Minsku vynies rašeńnie pa spravie Źmitra Kaśpiaroviča — aryšt terminam piać miesiacaŭ. Aktyvist nie pahadziŭsia z abvinavačvańniem i zajaviŭ, što hatovy adkazvać za źniavahu dziaržaŭnaha ściahu, ale nie za chulihanstva. Jon patłumačyŭ, što atrymaŭ narmalnaje vychavańnie i nikoli nia byŭ chulihanam.
Na sudzie prysutničaŭ lider BNF Vincuk Viačorka. Jon nazvaŭ spravu suprać Źmitra Kaśpiaroviča prykładam dvajnych standartaŭ u biełaruskaj sudovaj praktycy. Jon zhadaŭ, jak u 1995 hodzie Ivan Ciciankoŭ abyšoŭsia ź dziaržaŭnym bieł-čyrvona-biełym ściaham: «Dumaju, što reakcyja ŭładaŭ była niesuvymiernaja prastupku, kali taki byŭ. Ale važniejšaje toje, što nie pavinna być u krainie dvajnych standartaŭ. Ja maju na ŭvazie, što, kali ŭ paradku rečaŭ nacyjanalny i dziaržaŭny z 1991 da 1995 hodu ściah kamuści było dazvolena na vačach usioj krainy rvać, złaradna staviačy svaje podpisy, i pry hetym być biespakaranym, to čaho chacieć ad inšych ludziej, jakija nie pieranosiać hetaj štučnaj dziaržaŭnaj simvoliki».
Prysud pa spravie Z. Kaśpiaroviča byŭ abskardžany advakatam u kasacyjnym paradku ŭ sudovaj kalehii pa kryminalnych spravach Minskaha haradzkoha suda.
4. Kryminalnaja sprava suprać Artura Finkieviča
Kryminalnaja sprava była ŭzbudžanaja ŭ adnosinach aktyvista arhanizacyi «Małady Front» Artura Finkieviča, zatrymanaha nočču 30 studzienia ŭ Minsku za napisańnie palityčnych hrafici. Pa dadzienym fakcie była ŭzbudžanaja kryminalnaja sprava pa č.2 art. 339 KK RB (złosnaje chulihanstva), i abvinavačvańnie A. Finkieviču było prad`iaŭlenaje mienavita pa hetym artykule. Ciapier jamu pahražaje da 6 hadoŭ pazbaŭleńnia voli.
Na dadzieny momant Artur Finkievič znachodzicca ŭ SIZA. Asablivuju zaniepakojenaść vyklikaje toje, što śledčyja orhany naŭmysna kvalifikujuć napisańnie palityčnych hrafici vyklučna jak chulihanstva ci złosnaje chulihanstva. Heta kvalifikacyja dazvalaje pazbaŭlać moładzievych aktyvistaŭ voli i źmiaščać u SIZA.
5. Kryminalnaja sprava Uładzimira Chomiča i Maksima Kokarava
2 sakavika stała viadoma, što ŭ Niaśvižy za hrafici «My chočam novaha!» i «Dostał!» miascovy RAUS uzbudziŭ kryminalnuju spravu ŭ dačynieńni da Uładzimira Chomiča i Maksima Kokarava — dzvuch aktyvistaŭ niezarehistravanaha «Maładoha Frontu».
Sprava ŭzbudžanaja pa art. 341 KK RB (apahańvańnie zbudavańniaŭ i psavańnie majomaści), dadzieny artykuł praduhledžvaje pakarańnie ŭ vyhladzie hramadzkich pracaŭ, štrafu ci aryštu terminam da troch miesiacaŭ.
Sprava znachodzicca na etapie papiaredniaha śledstva. Moładzievyja aktyvisty znachodziacca pad padpiskaj ab niavyjeździe.
6. Kryminalnaja sprava Siarhieja Laškieviča
2 sakavika ŭ Ščučynie adbylisia pieratrusy ŭ kvaterach Vasila Biaźmiena i miascovych kiraŭnikoŭ vybarčaha Štaba kandydata ŭ Prezidenty Alaksandra Milinkieviča. U abodvuch paśla vyšuku byli zabranyja kamputarnyja nośbity infarmacyi, a taksama niekatoryja drukavanyja vydańni, papiery z asabistaha archivu. Siarhiej Laškievič byŭ zatrymany i niekalki dzion znachodziŭsia ŭ Ščučynskim śledčym izalatary. Pavodle słovaŭ Iryny Laškievič, jahonaj maci, joj paviedamili, što syna zatrymali na 72 hadziny. Pa papiaredniaj infarmacyi Siarhiej Laškievič padazrajecca ŭ padrychtoŭcy arhanizacyi hrupavych dziejańniaŭ, hruba parušajučych hramadzki paradak. Na jaho zaviedzienaja kryminalnaja sprava pa č. 3 art. 293 KK RB (masavyja biesparadki). Ale jakija kankretna dziejańni S.Laškieviča padlahajuć pad takoje abvinavačańnie, u milicyi nie paviedamlajuć. Nahadajem, što pavodle niadaŭnich dapaŭnieńniaŭ u Kryminalny kodeks Respubliki Biełaruś — častka 3 artykuła 293 KK RB (navučańnie ci inšaja padrychtoŭka asobaŭ dla ŭdziełu ŭ masavych biesparadkach, a roŭna finansavańnie ci inšaje materyjalnaje zabieśpiačeńnie takoj dziejnaści) praduhledžvaje pakarańnie aryštam na termin da 6-ci miesiacaŭ albo navat pazbaŭleńnie voli na termin da 3-ch hadoŭ.
7. Kryminalnyja spravy suprać Alaksandra Kazulina — kandydata ŭ Prezidenty Respubliki Biełaruś.
Jany nazvanyja ŭ admysłovym zvarocie Hienieralnaj prakuratury. Adna sprava raspačataja ŭ suviazi ź incydentam 17 lutaha, u dzień rehistracyi kandydataŭ na Prezidenta. Tady Alaksandar Kazulin razam sa svaimi prychilnikami prarvaŭsia ŭ budynak Nacyjanalnaha presavaha centru, dzie była pryznačanaja jahonaja presavaja kanferencyja. «Kazulin i asoby, jakija supravadžali jaho, abrazili i ŭžyli fizyčny hvałt adnosna supracoŭnikaŭ achovy kancertnaj zali «Miensk» i supracoŭnika milicyi», — havorycca ŭ zvarocie prakuratury.
1 sakavika pavodle hetaha faktu raspačataja kryminalnaja sprava pa č. 2 art. 339 KK RB (złosnaje chulihanstva), u jakoj Alaksandar Kazulin prachodzić u jakaści padazravanaha. Maksimalnaja sankcyja pa dadzienaj častcy art. 339 KK — pazbaŭleńnie voli terminam da 6 hadoŭ.
Druhaja sprava raspačataja u suviazi z pavodzinami Alaksandra Kazulina ŭ pastarunku paśla źbićcia i zatrymańnia 2 sakavika, kali jon z hrupaj prychilnikaŭ sprabavaŭ prajści na Ŭsiebiełaruski narodny schod. Paviedamlałasia, što ŭ pastarunku jon raźbiŭ partret Kiraŭnika (mienavita ź vialikaj litary) dziaržavy. Za pavodziny ŭ pastarunku suprać kandydata ŭ Prezidenty zaviedzienaja kryminalnaja sprava pavodle č. 1 art. 339 KK RB (chulihanstva), maksimalnaja sankcyja — try hady pazbaŭleńnia voli.
Na dadzienyja momant kryminalnyja spravy znachodziacca na etapie papiaredniaha śledstva i aficyjnaha abvinavačvańnia pa im jašče nie prad`iaŭlałasia.
Varta nahadać, što 2 sakavika pry sprobie zarehistravacca ŭ jakaści delehatu h.zv. «usiebiełaruskaha ź`iezdu», jaki byŭ sklikany A. Łukašenkam, kandydat u Prezidenty Respubliki Biełaruś byŭ žorstka źbity pradstaŭnikami śpiecsłužbaŭ i asabista kamandziram SOBR pałkoŭnikam D. Paŭličenkam. Paśla źbićcia Alaksandar Kazulin byŭ zatrymany i dastaŭleny ŭ RUUS Kastryčnickaha r-na stalicy. Pa mašynie jahonych siabroŭ, jakaja jechała za im, byŭ adkryty ahoń z ahniastrelnaj zbroi. Kala Kastryčnickaha RUUS asoby ŭ cyvilnym učynili napad na aktyvistaŭ štabu A. Kazulina i prysutnych žurnalistaŭ. Dziesiatki asobaŭ atrymali cialesnyja paškodžańni, karespandent haziety «Komsomolskaja pravda v Biełarusi» Aleh Ulevič znachodzicca ŭ špitali.
8. Kryminalnaja sprava suprać Cimafieja Drančuka, Alaksandra Šałajki, Mikoły Astrejki, Eniry Branickaj.
2 sakavika Cimafieju Drančuku, Mikołu Astrejku, Eniry Branickaj i Alaksandru Šałajku prad`iaŭlena aficyjnaje abvinavačvańnie pa art. 193. č.2 (arhanizacyja albo kiraŭnictva dziejnaściu hramadzkim ab`iadnańniem, relihijnaj arhanizacyjaj, jakaja pasiahaje na asobu, pravy i abaviazki hramadzianaŭ).
22 lutaha siabroŭ «Partniorstva» zatrymali pa padozrańniu ŭ kiravańni arhanizacyjaj, jakaja parušaje pravy hramadzianaŭ. Supracoŭniki KDB zrabili pieratrusy ŭ kvaterach aktyvistaŭ i zabrali ŭsie nośbity infarmacyi. Paźniej kiraŭnik KDB nazvaŭ ich kaardynatarami pravakacyjaŭ, jakija nibyta źbiralisia rabić apazicyjaniery padčas praviadzieńnia vuličnych akcyj 19 sakavika.
1 sakavika staršynia KDB Ściapan Sucharenka zajaviŭ na presavaj kanferencyi, što apazicyja zapłanavała šerah pravakacyjaŭ na dzień vybaraŭ. Pavodle jaho, u časie apazicyjnaha mitynhu zapłanavanyja niekalki vybuchaŭ, Sucharenka zajaviŭ: «Źjaŭleńnie kryvi i achviaraŭ raźviazvaje ruki arhanizataram akcyi pratestu, paśla čaho pačynajecca zachop budynkaŭ orhanaŭ ułady, vakzałaŭ, pieraharodžvajucca čyhunačnyja kalainy z metaj poŭnaha spynieńnia funkcyjanavańnia krainy». Kaardynavać takija dziejańni, pavodle kiraŭnika KDB, mielisia aryštavanyja siabry arhanizacyi «Partniorstva». Akramia taho niezarehistravanaja arhanizacyja nibyta padrychtavała falšyvyja pratakoły «ekzit-połaŭ», pavodle jakich pieramohu na vybarach atrymaŭ apazicyjny kandydat na Prezidenta Alaksandar Milinkievič.
Usie čaćviora aktyvistaŭ «Partniorstva» na dadzieny momant znachodziacca ŭ SIZA KDB u Minsku.
9. Kryminalnaja sprava suprać Jaŭhiena Suvorava
Suprać Jaŭhiena Suvorava zaviedzienaja kryminalnaja sprava pa art. 435 č.1 Kryminalnaha kodeksu (uchileńnie ad mierapryjemstvaŭ, źviazanych z usieahulnym vajskovym abaviazkam). Aktyvisty mahiloŭskaha «Zubra» ŭpeŭnienyja, što heta tolki povad dla zaklučeńnia aktyŭnaha maładoha čałavieka pad vartu. Heta paćviardžajecca i tym, što pa zaklučeńni pryzyŭnoj kamisii, Jaŭhien Suvoraŭ byŭ pryznany nieprydatnym da prachodžańnia strajavoj vajskovaj słužby ŭ mirny čas z-za prablemaŭ sa zrokam. Chłopiec nikoli nie chavaŭsia ad uładaŭ, źjaŭlaŭsia pa paviestcy ŭ vajenkamat. Za ŭdzieł u vuličnych akcyjach i raspaŭsiud drukavanych materyjałaŭ jaho nieadnarazova zatrymlivali supracoŭniki milicyi, ale i jany nia mieli nijakich da jaho pretenzijaŭ na hety kont.
Jaŭhien Suvoraŭ byŭ zatrymany milicyjaj 14 lutaha 2006 hodu ŭ Mahilovie za vyviešvańnie raściažki z zaklikam uziać udzieł u Dni biełaruskaj salidarnaści, jaki pravodzicca ŭ Biełarusi i za jaje miežami 16-ha čysła kožnaha miesiaca. Jon byŭ abvinavačany ŭ parušeńni art. 156 Administratyŭnaha kodeksu (drobnaje chulihanstva), adnak zatrymańnie było vykarystanaje tolki jak nahoda dla ŭtrymańnia maładoha čałavieka pad vartaj. Administratyŭny pratakoł pry hetym navat nie razhladaŭsia.
Zaraz Jaŭhien Suvoraŭ znachodzicca ŭ Mahiloŭskim SIZA.
10. Kryminalnaja sprava suprać Anastasii Azarka
Kryminalnaja sprava była ŭzbudžanaja UUS Minabłvykankama 5 sakavika 2006 pa art. 193.1 KK RB (niezakonnaja arhanizacyja dziejnaści hramadzkaha ab`iadnańnia, relihijnaj arhanizacyi ci fonda albo ŭdzieł u ich dziejnaści). Jaje padazrajuć u tym, što jana dziejničała ad imia niezarehistravanaj arhanizacyi «Małady Front», prymała ŭdzieł u raspaŭsiudzie drukavanych materyjałaŭ z «zaklikami da baradźby ź isnujučym hramadzkim ładam i ŭładaj».
Dadzieny artykuł KK praduhledžvaje aršyt da 6 miesiacaŭ ci pazbaŭleńnie voli terminam da 2 hadoŭ.
Sprava znachodzicca na etapie papiaredniaha śledstva i aficyjnaha abvinavačvańnia pakul A. Azarka nie prad`iaŭlałasia.
11. Kryminalnaja sprava suprać Juryja Radziviła
Jury Radzivił, kiroŭca kandydata ŭ Prezidenty Respubliki Biełaruś Alaksandra Kazulina, byŭ zatrymany asobami ŭ cyvilnym 2 sakavika 2006 h. Pierad hetym jahonaja mašyna była abstralanaja ź pistaleta «asobami ŭ cyvilnym». Juryja Radziviła padazrajuć u supracivie supracoŭnikam milicyi i ŭ hvałcie ŭ adnosinach da ich. Sprava ŭzbudžanaja pa č.2 art. 363 KK RB (supraciŭ supracoŭniku milicyi ci inšaj asobie, jakaja achoŭvaje hramadzki paradak).
Na dadzieny momant Ju. Radzivił znachodzicca ŭ SIZA h. Minska.
Pravaabaroncy Biełarusi ličać, što takim čynam ułady chočuć apraŭdać niezakonnyja dziejańni pradstaŭnikoŭ siłavych viedamstvaŭ, jakija ŭžyli ahniastrelnuju zbroju ŭ adnosinach da Juryja Radziviła.
12. Kryminalnaja sprava suprać Ivana Kruka.
Ivan Kruk — aktyvist AHP i źjaŭlajecca kiraŭnikom rajonnaha štabu kandydata ŭ Prezidenty RB Alaksandra Milinkieviča. Kryminalnaja sprava suprać jaho była ŭzbudžanaja 3 lutaha 2006 h. śledčym prakuratury Astravieckaha r-na. Pavodle jaje Ivan Kruk abvinavačvajecca ŭ hvałtoŭnych dziejańniach ŭ dačynieńni da supracoŭnikaŭ milicyi — č. 2 art. 363 KK (supraciŭ supracoŭniku milicyi ci inšaj asobie, jakaja achoŭvaje hramadzki paradak). Zhodna aficyjnaha abvinavačvańnia, Ivan Kruk padčas vobysku ŭ jahonaj kvatery ŭžyŭ siłu suprać milicyjantaŭ. Vobysk pravodziŭsia biez zakonych padstavaŭ, supracoŭnikaŭ milicyi najpierš cikavili drukavanyja materyjały i nośbity inframacyi. Kali jany pačali skanfiskoŭvać kamputar Ivana Kruka, jon raźbiŭ jaho ab padłohu.
Na dadzieny momant sprava znachodzicca na etapie papiaredniaha śledstva.
13. Kryminalnaja sprava suprać staršyni Biełaruskaha Chielsinskaha Kamiteta Taćciana Proćka.
1 sakavika 2006 h. Departament finansavych raśśledavańniaŭ Kamitetu dziaržkantrolu adnaviŭ kryminalnuju spravu ab uchileńni ad padatkaŭ Biełaruskim Chelsynskim kamitetam. Pra heta paviedamiŭ śledčy Alaksandar Zaleŭski. Padazravanaj u spravie jość staršynia BCHK Taciana Proćka, jakaja, pavodle padatkovaj inspekcyi, padazrajecca ŭ tym, nibyta nie spłaciła kala 70 tysiač dalaraŭ padatkaŭ. Sprava ŭzbudžanaja pa č. 2 art. 243 KK RB (uchileńnie ad upłaty sumaŭ padatkaŭ, zboraŭ).
Pavodle Kryminalnaha kodeksu, takoje złačynstva karajecca źniavoleńniem ad 2 da 7 hadoŭ z kanfiskacyjaj majomaści.
Bolš za hod tamu padatkovaja inspekcyja vyrašyła, što BCHK musić spłacić padatki za hrašovuju dapamohu, atrymanuju pavodle prahramaŭ TASIS Eŭraźviazu. Hetaja dapamoha akazvałasia Biełarusi pry ŭmovie, što nia budzie abkładacca padatkami. Vyšejšy haspadarčy sud spačatku staŭ na bok pravaabaroncaŭ, ale napačatku hodu admianiŭ svajo rašeńnie. Pravaabaroncy miarkujuć, što ich pieraśledujuć z palityčnych pryčynaŭ, u tym liku i za sproby naładzić niezaležnaje nazirańnie za vybarami.
14. Kryminalnaja sprava suprać Andreja Panasika.
Kryminalnaja sprava suprać Andreja Panasika, hramadskaha aktyvista z h. Masty Hrodzienskaj vobłaści była ŭzbudžanaja 11 sakavika 2006 h. pa art. 193.1 KK RB (niezakonnaja arhanizacyja dziejnaści hramadzkaha ab`iadnańnia, relihijnaj arhanizacyi ci fonda albo ŭdzieł u ich dziejnaści). Jaho padazrajuć u dačynieńni da niezarehistravanaj hramadzianskaj inicyjatyvy «Partnerstva».
Dadzieny artykuł KK praduhledžvaje aryšt da 6 miesiacaŭ ci pazbaŭleńnie voli terminam da 2 hadoŭ.
Sprava znachodzicca na etapie papiaredniaha śledstva i aficyjnaha abvinavačvańnia pakul A. Panasiku nie prad`iaŭlałasia.
15. Kryminalnaja sprava suprać Mikity Sasima.
14 sakavika, kaardynatara «Zubra» Mikitu Sasima razam ź inšymi aktyvistami «Zubra» Natallaj Uško, Nikaj Łazoŭskaj i Nikitam Šuciankovym kala 22.00 biez usialakaj pryčyny zatrymali kala stancyi mietro «Puškinskaja», kali jany prosta stajali i razmaŭlali. Raptam da ich pad`iechaŭ aŭtobus, u jaki amapaŭcy ich zapichali i dastavili ŭ Frunzienski RUUS. Ź milicejskaha patarunku Mikita Sasim trapiŭ u špital z abvastreńniem apiendycytu, jamu zrabili apieracyju.
16 sakavika Mikitu Sasima, jaki znachodziŭsia ŭ 9-aj klinicy h.Minska z pryčyny apieracyi apiendycyta, pryjšli supracoŭniki milicyi i, prad`iaviŭšy pastanovu Baranavičskaha HAUS, zabrali sa špitalu i zavieźli ŭ Baranavičski HAUS, a zatym u baranavičkuju haradskuju balnicu. Tam byŭ praviedzieny dopyt pa fakcie ŭzbudžeńnia kryminalnaj spravy ŭ suviazi ź nibyta ŭchileńniem ad pryzyvu.
Padobnuju kryminalnuju spravu ŭ dačynieńni da moładzievaha aktyvista sprabujuć ŭzbudzić užo druhi raz, pryčym pieršy raz Baranavičski HAUS admoviŭ vajenkamatu va ŭzbudžeńni spravy nia tak daŭno — 5 śniežnia 2005 hoda, bo nie znajšoŭ ab`iektyŭnych dadzienych, jakija b śviedčyli ab uchileńni Mikity Sasima ad vajskovaj słužby.
16. Kryminalnaja sprava suprać Edvarda Zielankova.
U Žłobinie kryminalnaja sprava zaviedzienaja na lidera rehijanalnaj supołki «Maładoha frontu» Edvarda Zielankova.
Jak paviedamiŭ aktyvist Radyjo Svaboda, jon padazrajecca ŭ arhanizacyi dziejnaści niezarehistravanaha hramadzkaha ab`iadnańnia i chulihanstvie. Kryminalnaja sprava zaviedzienaja Upravaj KDB pa Homielskaj vobłaści.
Edvard Zielankoŭ — aktyŭny ŭdzielnik vybarčych mierapryjemstvaŭ kandydata ŭ prezydenty Alaksandra Milinkieviča.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary