Novy viarchoŭny lidar Irana Madžtaba Chamieniei ŭ svaim zvarocie, jaki začytali pa dziaržaŭnym telebačańni, pieraličyŭ usie straty svajoj siamji pad amierykana-izrailskimi abstrełami. Akazałasia, što siarod zahinułych była i jahonaja žonka.
«Ja vykazvaju hłybokaje spačuvańnie siemjam pakutnikaŭ. Ja padzialaju hety dośvied z vami: akramia baćki, ja straciŭ svaju darahuju i viernuju žonku, svaju addanuju siastru razam ź jaje małym dziciom, i muža majoj druhoj siastry», — zajaviŭ Madžtaba Chamieniei.
Źviartaje na siabie ŭvahu, što siarod pieraličanych niama maci Madžtaby, Mansure Chadžaste Bahierzade, pra śmierć jakoj u vyniku atrymanych ranieńniaŭ paviedamiła iranskaje vydańnie Sabereen News jašče 2 sakavika.
Paśla taho prajšło 10 dzion, i 12 sakavika iranskaje ahienctva Fars paviedamiła, što infarmacyja pra śmierć žonki raniejšaha viarchoŭnaha lidara Irana Ali Chamieniei była nibyta pamyłkovaj.
«U apošnija niekalki dzion paśla hibieli revalucyjnaha lidara niekatoryja ŚMI pamyłkova apublikavali navinu pra hibiel žonki zahinułaha vialikaha ajatały», — łakanična paviedamiła ahienctva.
Čamu z abviaržeńniem hetaj infarmacyi ciahnuli tak doŭha, nie paviedamlajecca.
Madžtaba Chamieniei vystupiŭ ź pieršym zvarotam u jakaści viarchoŭnaha lidara Irana. Jaho pačuli, ale nie pabačyli
Rasija papiaredžvała Ali Chamieniei pra ŭdar, ale toj nibyta abraŭ pakutnickuju śmierć
Ułady Irana pryznali, što novy viarchoŭny lidar paranieny — pierałom stupni i parezy na tvary
«Adsiačeš adnu hałavu — vyrastajuć novyja». Jak kiraŭnictva Irana pabudavała sistemu, jakaja dazvalaje ŭtrymlivać uładu
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ1
Kamientary