Pačynajučy z 17 sakavika kvitki na rejsy ź Minska ŭ Vjetnam, Šry-Łanku, Kitaj i Turcyju buduć kaštavać bolš, bo avijakampanija «Biełavija» pavialičvaje paliŭny zbor.
Turfirmam i padarožnikam rajać jak maha chutčej apłacić chacia b pałovu koštu tura, kab zafiksavać ciapierašniuju canu. Kali hetaha nie zrabić, daviadziecca dapłacić kala 35 dalaraŭ za pieralot pa maršrutach Minsk — Matała, Niačanh, Sańja, a taksama Stambuł — Minsk.
Mahčyma, padobnaje padaražańnie zakranie i rejsy ŭ Tajłand. Paśla taho jak kvitok užo aformleny, lubyja źmieny ŭ im buduć mahčymyja tolki sa štrafam pavodle praviłaŭ avijakampanii.
Pavyšeńnie paliŭnaha zboru adbyvajecca nie tolki ŭ «Biełavii». Heta źviazana z rostam cenaŭ na naftu i bolš składanaj łahistykaj avijapieralotaŭ z-za abvastreńnia kanfliktu na Blizkim Uschodzie.
Raniej paviedamlałasia, što «Biełavija» płanuje dadatkovyja rejsy ŭ Vjetnam i na Šry-Łanku. Heta źviazana z pavieličeńniem cikavaści turystaŭ da azijackich napramkaŭ. Pieršy rejs ź Minska ŭ Niačanh pavinien adbycca 20 sakavika, druhi — 27 sakavika, choć spačatku zapusk palotaŭ u Vjetnam płanavaŭsia tolki na 31 sakavika.
Ciapier čytajuć
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary