Pa źviestkach pravaachoŭnikaŭ, pry padpisańni fiktyŭnych aktaŭ vykananych rabot było vykradziena bolš za 60 miljonaŭ rubloŭ.
U złačynstvie vinavaciać słužbovuju asobu ZAT «Trest Prambud». Jamu inkryminujuć kradziež šlacham złoŭžyvańnia ŭładaj abo słužbovymi paŭnamoctvami.
Jak śćviardžajuć pravaachoŭnyja orhany, vytvorca rabot budaŭničaj firmy z 1 studzienia pa 31 žniŭnia 2013 hoda padpisaŭ fiktyŭnyja akty vykananych rabot. 62 miljony rubloŭ ź biudžetnych srodkaŭ byli naličanyja jak zarobak asobie, jakaja realna na abjekcie nie pracavała.
Budaŭnictva novaj štab-kvatery Nacyjanalnaha Alimpijskaha kamiteta było pačata pavodle ŭkaza Łukašenki ŭ 2007 hodzie i musiła zaviaršycca jašče ŭ 2009-m. Adnak u suviazi z prablemami pa pošuku inviestara dla hetaha budaŭnictva terminy zdačy kompleksu z tych časoŭ nie raz pieranosilisia. Kali vieryć apošnim abiacańniam, to kompleks pavinien być zdadzieny ŭ ekspłuatacyju da pačatku sioletniaha čempijanatu śvietu pa chakiei.
Miž tym za čas budaŭnictva abjekta na im užo dvojčy ŭźnikali karupcyjnyja skandały.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary