Vens: Nivodny z amierykanskich prezidentaŭ nie zrabiŭ dla Ukrainy bolš, čym Tramp
Vice-prezident taksama zajaviŭ, što ZŠA nie mohuć być suśvietnym palicejskim, a chočuć być dobrym sajuźnikam.
Vice-prezident ZŠA Džej Dzi Vens zajaviŭ, što nivodny z amierykanskich prezidentaŭ nie zrabiŭ bolš dla taho, kab Ukraina vystajała, čym Donald Tramp, paviedamlaje Clash Report.
Amierykanskaha čynoŭnika žurnalisty spytali, čamu ZŠA ŭznaharodžvajuć Rasiju i karajuć «svajho najlepšaha sajuźnika ŭ Jeŭropie», prypyniajučy razhortvańnie svaich vojskaŭ u Polščy.
«Ščyra kažučy, nie było prezidenta, jaki zrabiŭ by bolš dla taho, kab Ukraina vystajała padčas uvarvańnia Rasii, čym Donald Tramp. Jak jon sam kaliści skazaŭ: «Abama daŭ Ukrainie praściny, a ja daŭ Ukrainie «Džavieliny». I mienavita hetyja «Džavieliny» zabiaśpiečyli toje, što Ukraina dahetul zachoŭvaje svoj terytaryjalny suvierenitet», — skazaŭ Vens.
Pavodle jaho słoŭ, Tramp choča pravodzić palityku, aryjentavanuju na intaresy ZŠA, «i častka hetaj źniešniaj palityki — nie ŭznaharodžvać Pucina i nie karać takuju krainu, jak Polšča».
Kamientary
[Zredahavana]