Studentam płaciać pa 40 tys. rubloŭ za hadzinu za zdymki ŭ filmie «Aviel»
21:55
Studentam BDUIRa płaciać za zdymki ŭ filmie «Aviel» 40 tys. rubloŭ za hadzinu, pra heta sami studenty, jakija ŭdzielničajuć u masoŭcy filma, paviedamili siońnia viečaram žurnalistam «Našaj Nivy».
Siońnia zdymki na Kastryčnickaj płoščy pavinny byli pačacca paŭhadziny tamu, ale pakul zaciahvajucca.
Taksama studenty paviedamili, što siońnia zdymki pavinny skončycca da 23:00 (zdymajecca epizod na Kastryčnickaj), bo, jak skazaŭ ich praforh, a 11-j viečara na Kastryčnickaj zapłanavana «niejkaje apazicyjnaje mierapryjemstva».
Płošča zapoŭnienaja plaškami z harełkaj, dadajuć žurnalisty «NN». Paŭsiul pach pieraharu.
Ludzi ŭ cyvilnym nastojliva «rekamiendujuć» žurnalistam, pakinuć Kastryčnickuju płošču, bo inakš buduć zatrymańni.
Cicharoŭ taksama šmat, zdymki pačynajucca.
22:22
Pradziusar filma «Aviel» Siarhiej Ždanovič daŭ karotkaje ekspres-intervju žurnalistam «Našaj Nivy» viečaram 1 lutaha na Kastryčnickaj płoščy ŭ Minsku, dzie zdymajucca čarhovyja epizody stužki.
«Nie treba palityki, i ŭsim stanie lepiej», — skazaŭ jon. Jon dadaŭ, što choča sustrecca ź lidaram «Lapisaŭ» Siarhiem Michałkom i paprasić kavałak saŭndtreka dla filma.
Ždanovič adkazaŭ, što film nie rekanstrukcyja padziej 2010 h. (vynikaŭ prech. vybaraŭ — Płoščy), a mastacki pohlad na ich.
Jon skazaŭ, što «sustrakaŭsia z Franakam Viačorkam (scenarystam filma K. Łukaševiča «Žyvie Biełaruś»), kab abmierkavać biełaruskuju viersiju svajoj stužki «Aviel»).
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary