Źjaŭleńniu vydańnia paspryjała biełaruskaje pasolstva ŭ Budapešcie.
Pieršy vienhierska‑biełaruski słoŭnik byŭ vydadzieny ŭ 2007 hodzie pry padtrymcy pasolstva Biełarusi ŭ Budapiešcie. Ab hetym karespandentu BIEŁTA paviedamiła Nadzvyčajny i Paŭnamocny Pasoł Biełarusi ŭ Vienhryi Alena Kupčyna.
Jana padkreśliła najaŭnaść značnaha patencyjału supracoŭnictva Biełarusi i Vienhryi ŭ śfiery kultury.
«Niahledziačy na adsutnaść pamiž našymi krainami ŭstojlivych kulturałahičnych suviaziej, Biełaruś i Vienhryja majuć ahulnyja dla ich histaryčnyja momanty, jakija adychodziać svaimi karaniami ŭ dalokaje minułaje», — rastłumačyła śpiecylist.
Jak adznačyła Alena Kupčyna, značny ŭkład u vyvučeńnie ahulnych histaryčnych i linhvistyčnych momantaŭ unosić stvoranaja ŭ Budapiešckim univiersitecie imia Łoranda Etvieša Vienhierskaja asacyjacyja biełarusistaŭ, dziejnaściu jakoj kiruje prafiesar Andraš Zołtan. Va univiersitecie viadziecca vykładańnie biełaruskaj movy, u jaho rabocie ŭdzielničajuć lektary i vykładčyki ź Biełarusi. Važnaj padziejaj stała vydańnie ŭ 2006 hodzie namahańniami vykładčykaŭ kafiedry pry finansavaj padtrymcy fondaŭ Jeŭrasajuza pieršaha padručnika biełaruskaj movy dla vienhierskich studentaŭ.
U mai hetaha hoda pasolstvam arhanizavana mierapryjemstva z nahody 15‑hodździa ŭstanaŭleńnia dypłamatyčnych adnosin pamiž Biełaruśsiu i Vienhryjaj, u ramkach jakoha była arhanizavana vystaŭka, pryśviečanaja 200‑hadovamu jubileju z dnia naradžeńnia biełaruskaha mastaka, muzykanta i kampazitara Napaleona Ordy. Z pośpiecham prajšło vystupleńnie maładoha talenavitaha muzykanta ź Biełarusi Alaksandra Muzykantava, jaki vykanaŭ fartepijannyja tvory N. Ordy, a taksama F. Šapena i F. Lista.
U čas Dzion ekanomiki Biełarusi ŭ Vienhryi, jakija prachodziać 15‑17 kastryčnika ŭ Budapiešcie, adbudziecca vystupleńnie biełaruskaha falkłornaha kalektyvu «Radzimičy» i projdzie vystaŭka rabot vychavancaŭ Centra dziciačaj tvorčaści pry Sajuzie architektaraŭ Biełarusi.
«I my nie źbirajemsia na hetym spyniacca. Užo jość kankretnyja płany na budučaje z tym, kab biełaruskaja kultura była bolš poŭna pradstaŭlena ŭ Vienhryi», — skazała na zakančeńnie pasoł.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary