Prezident Rasii Uładzimir Pucin u sieradu zahadaŭ pravieści raptoŭnuju kompleksnuju pravierku bojehatoŭnaści vojskaŭ i sił Zachodniaha i Centralnaha vajennych akruhaŭ, a taksama šerahu rodaŭ vojskaŭ, paviedamiŭ u sieradu ministr abarony Rasii Siarhiej Šajhu.
«U adpaviednaści z rasparadžeńniem prezidenta Rasijskaj Fiederacyi siońnia ŭ 14:00 raptoŭna padniatyja pa tryvozie vojski Zachodniaj vajennaj akruhi, a taksama złučeńni i voinskija čaści, jakija dysłakujucca na jaho terytoryi, 2-ja armija Centralnaj vajennaj akruhi, kamandavańnie Pavietrana-kaśmičnaj abarony, Pavietrana-desantnych vojskaŭ, Dalokaj i Vajenna-transpartnaj avijacyi», — skazaŭ Siarhiej Šajhu na naradzie ŭ Minabarony RF.
Jon adznačyŭ, što «Viarchoŭnym hałoŭnakamandujučym pastaŭlenyja zadačy pravierki zdolnaści vojskaŭ da dziejańniaŭ pry vyrašeńni kryzisnych situacyj, jakija ŭjaŭlajuć pahrozu vajennaj biaśpiecy krainy, a taksama antyterarystyčnaha, sanitarna-epidemijałahičnaha i technahiennaha charaktaru», — cytuje jaho ahienctva Interfaks.
Pravierku praduhledžvajecca pravieści ŭ pieryjad z 26 lutaha da 3 sakavika ŭ dva etapy.
Na druhim etapie adbudziecca apieratyŭna-taktyčnaje vučeńnie siłami 6-j i 20-j armij Zachodniaj vajennaj akruhi, 2-j armii Centralnaj vajennaj akruhi, kamandavańnia desantnych vojskaŭ.
Častka sił avijacyi pierabazujecca na apieratyŭnyja aeradromy, u tym liku, z dazapraŭkaj u pavietry.
«Być u hatoŭnaści da ažyćciaŭleńnia bambakidańnia na nieznajomych palihonach», — skazaŭ Šajhu.
Vojski pavinny buduć viarnucca ŭ punkty pastajannaj dysłakacyi da 7 sakavika.
Hetaja pravierka bojehatoŭnaści adbyvajecca na fonie narastańnia antyŭkrainskaj prapahandy ŭ rasijskich ŚMI. Hučać zakliki da Kryma pra vychad sa składu Ukrainy.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary