Śledčy kamitet viadzie rasśledavańnie kryminalnaj spravy suprać 37-hadovaha dyrektara staličnaha pradpryjemstva.
«Ustanoŭlena, što padazravany ŭchiliŭsia ad spłaty padatkaŭ šlacham uniasieńnia łžyvych źviestak u padatkovyja dekłaracyi na sumu kala 500 miljonaŭ rubloŭ. Jon źmiaściŭ u buchhałtarski ŭlik svajho pradpryjemstva falšyvyja pieršasnyja dakumienty ab pastaŭkach tavarna-materyjalnych kaštoŭnaściaŭ ad 18 indyvidualnych pradprymalnikaŭ, tak zvanych iłžepradprymalnickich struktur», — paviedamiła pradstaŭnik USK pa Minskaj vobłaści Taćciana Biełanoh.
Pa jaje słovach, nasamreč ničoha nie pieradavałasia, a dyrektar nabyvaŭ usio na staličnych rynkach za hatoŭku. A hrošy, jakija jon pieravioŭ iłžepradprymalnikam — 1,5 miljarda rubloŭ, viarnulisia jamu ŭ dalarach.
Padazravany dyrektar pryznaje vinu i harantuje kampiensavać škodu. Jon znachodzicca pad abaviazacielstvam ab źjaŭleńni.
Kamientary