«Jany na praktyku ŭziaty» — u Mienskim kaledžy «ničoha nia viedajuć»
U Mienskim budaŭničym kaledžy №53 nia viedajuć ab pracy navučenak nie pa specyjalnaści.
Pavodle jaho słovaŭ, navučency prachodziać praktyku «tolki ŭ ramkach svajoj prafesii». Praktyka prachodzić na budaŭničych abjektach, vytvorčych pradpryjemstvach, zavodach i fabrykach. Pamiž kaledžam i pradpryjemstvam zaklučajecca kantrakt, praktykanty atrymlivajuć zarobak, pry hetym nabyvajučy kvalifikacyju. Kali stanovicca viadomym, što pradpryjemstva nakiroŭvaje navučencaŭ na pracu nie pa prafesii, to kaledž razryvaje ŭsie kantakty z hetaj arhanizacyjaj.
Pa słovach Viktara Piečania, takija vypadki niedapuščalnyja, bo «našaja meta — navučyć, a nie zarabić hrošy». Što dačycca dziaŭčyn‑malaroŭ, jakija nosiać plitku, to «dla ich isnuje śpis prac, uzhodnienych z arhanizacyjaj, u tym liku padrychtoŭka padmurkaŭ i ściažka».
Adnak navučency kaledžu kažuć inšaje. Pavodle ich, zvyčajnaj praktykaj stała raźmierkavańnie pieršakurśnikaŭ na niekvalifikavanuju, a časam i brudnuju pracu. Prychodzicca nasić bruk i źbirać śmiećcie, ale intaresy navučencaŭ nikoha nie cikaviać. Kamuści zahadvajuć ciahać cehłu, a kamuści rabić kładku, pry hetym roźnica ŭ apłacie nievialikaja. «Na plitcy» možna dobra zarabić, tamu mnohija pahadžajucca na čas zabyć pra specyjalnaść.
Studenty skardziacca, što na pracoŭnych miescach amal nie vykonvajucca patrabavańni techniki biaśpieki, niama ni mantažnych pajasoŭ, ni kasak, i tak pracavać na budoŭli časam prosta strašna. Kali sucharezam‑baŭharkaj piłujuć bardziury, pył nabivajecca ŭ lohkija, bo masak nie vydajuć. «A majstram na heta plavać, jany pra heta i razmaŭlać nia chočuć. Im hałoŭnaje, kab my pierad pryjezdam kamisii ŭsio śmiećcie paprybirali».
Jak kažuć studenty, kiraŭnictva kaledžu dobra viedaje sapraŭdny stan praktyki. Jany paprasili nie nazyvać svaich imionaŭ, kab paźbiehnuć niepryjemnaściaŭ.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary