Prezident Rasii Uładzimir Pucin u telefonnaj razmovie z prezidentam ZŠA Barakam Abamam abmierkavaŭ situacyju va Ukrainie i zajaviŭ, što krainy nie pavinny achviaravać rasijska-amierykanskimi adnosinami z-za asobnych mižnarodnych prablem, chaj i vielmi važnych.
Pra heta paviedamlaje sajt Kramla. U chodzie dyskusii vyjavilisia adroźnieńni ŭ padychodach i acenkach pryčyn uźniknieńnia ciapierašniaha kryzisu i stanu spraŭ», — havorycca ŭ paviedamleńni.
Prezident Rasii taksama adznačyŭ, što ciapierašniaje ŭkrainskaje kiraŭnictva naviazvaje ŭschodnim i paŭdniova-ŭschodnim rehijonam i Krymu absalutna nielehitymnyja rašeńni.
«Rasija nie moža ihnaravać źviernutyja da jaje ŭ hetaj suviazi zakliki ab dapamozie i dziejničaje adekvatna, u poŭnaj adpaviednaści z normami mižnarodnaha prava», — havorycca ŭ paviedamleńni pres-słužby Kramla.
Pucin padkreśliŭ važnaść rasijska-amierykanskich adnosin dla stabilnaści i biaśpieki ŭ śviecie. «Hetyja adnosiny nie pavinny prynosicca ŭ achviaru roznahałośsiam pa asobnych — chaj i vielmi značnych — mižnarodnych prablemach», — adznačajecca ŭ paviedamleńni.
Lidery abiedźviuch krain damovilisia ab tym, što kiraŭnik MZS Rasii Siarhiej Łaŭroŭ i dziaržsakratar ZŠA Džon Kery i dalej buduć aktyŭna supracoŭničać pa hetym pytańni.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary