U biełarusaŭ jość mnostva sposabaŭ supraćstajać akupacyi Kramla. Pra heta ŭ intervju sajtu charter97.org zajaviŭ muzyka Vinsent (Źmicier Papko).
«Ja liču, što paŭtareńnie padziej va Ŭschodniaj Ukrainie mahčyma i ŭ Biełarusi, tamu što miažy z Rasijaj i kantrolu na joj niama. Ale pytańnie ŭ tym, što ŭ nas u krainie padobnaja situacyja nazirajecca ŭžo amal 20 hadoŭ. Heta značyć faktyčna my nie źjaŭlajemsia haspadarami na svajoj ziamli «, — adznačyŭ repier.
Pry hetym muzyka padkreśliŭ, što biełarusy mohuć i pavinny supraćstajać rasijskaj akupacyi.
«Samy hałoŭny instrumient u hetaj baraćbie — infarmavańnie nasielnictva niezaležnymi ŚMI, tamu što, na žal, naša hramadstva zazambiravanaje rasijskaj prapahandaj. I ŭ hetym sensie treba, kab kožny, chto razumieje situacyju i maje dostup da niezaležnaj infarmacyi, pačaŭ tłumačyć svaimi rodnym i blizkim, što na samoj spravie adbyvajecca. Taksama efiektyŭnym srodkam baraćby suprać Kramla źjaŭlajecca bajkot rasijskich tavaraŭ. Ja, naprykład, naohuł nie karystajusia imi. Kožny moža heta zrabić. Ale hałoŭnaje — heta źmieny ŭ hałovach», — skazaŭ jon na zakančeńnie.
Nahadajem, 6 krasavika na ŭschodzie Ukrainy prajšli sieparatysckija pravakacyi. U pryvatnaści, prarasijskija aktyvisty zachapili abłasnyja administracyi ŭ Daniecku i Charkavie. U Łuhansku šturmam uziali SBU i zachapili filijał Nacbanka. Taksama byŭ zachopleny budynak SBU i ŭ Daniecku.
Apytanka
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary