Heta pieršy vizit amierykanskaha lidara ŭ krainu za amal dziesiacihodździe.
U supravadžeńni Trampa — Džensen Chuanh z kampanii Nvidia, a taksama biznesmien Iłan Mask, paviedamlaje Radyjo Svaboda.
Raniej pres-sakratar Ministerstva zamiežnych spraŭ Kitaja zajaviŭ, što Piekin hatovy «pašyrać supracoŭnictva, urehulavać roznahałośsi i ŭnieści bolš stabilnaści i vyznačanaści ŭ niespakojny śviet».
Asnoŭnyja mierapryjemstvy jaho vizitu, jaki ažyćciaŭlajecca pa zaprašeńni staršyni KNR Si Czińpina, zapłanavanyja na 14—15 maja.
Ranicaj 14 maja Trampa čakaje ŭračystaja cyrymonija aficyjnaj sustrečy.
Paśla jaje adbuducca dvuchbakovyja pieramovy ź Si, a zatym Tramp naviedaje Chram Nieba — impieratarski chramavy kompleks XV stahodździa. Kulminacyjaj pieršaha dnia stanie dziaržaŭny bankiet.
15 maja lidary praviaduć niefarmalnyja pieramovy za harbataj i rabočym łančam, paśla čaho Tramp pakinie Piekin.
Miarkujecca, što budzie dasiahnuta damoŭlenaść pra vizit Si ŭ ZŠA.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary