Va Ukrainie za try miesiacy prymuć zakony pa decentralizacyi ŭłady i pašyreńni paŭnamoctvaŭ rehijonaŭ
V.a. prezidenta Ukrainy A.Turčynaŭ daručyŭ uradu raspracavać i ŭnieści na razhlad Viarchoŭnaj Rady zakonaprajekty, jakija praduhledžvajuć decentralizacyju ŭłady i istotnaje pašyreńnie paŭnamoctvaŭ terytaryjalnych abščyn.
Adpaviednaje daručeńnie ŭtrymlivajecca va ŭkazie «Ab mierach nakont kansalidacyi hramadzian Ukrainy i spynieńnia hramadzianskaha supraćstajańnia ŭ Danieckaj i Łuhanskaj abłaściach», jaki ŭ niadzielu padpisaŭ A.Turčynaŭ.
Zhodna z dakumientam, Kabinietu ministraŭ daručana padrychtavać, unieści ŭ VR zakonaprajekty adnosna praviadzieńnia va Ukrainie reformy miascovaha samakiravańnia i arhanizacyi ŭłady ŭ rehijonach, praduhledzieŭšy decentralizacyju ŭłady i istotnaje pašyreńnie paŭnamoctvaŭ terytaryjalnych abščyn, farmiravańnie vykanaŭčych orhanaŭ miascovymi savietami, pašyreńnie materyjalnaj i finansavaj asnovy miascovaha samakiravańnia, dziejsnyja miechanizmy ŭdziełu hramadskaści ŭ pryniaćci orhanami miascovaha samakiravańnia rašeńniaŭ.
Va ŭkazie adznačana, što adpaviednyja zakony pavinny być pryniaty ŭ trochmiesiačny termin.
Akramia taho, zhodna z ukazam, va Ukrainie budzie stvorana rabočaja hrupa z pradstaŭnikoŭ Kabinieta ministraŭ Ukrainy, narodnych deputataŭ Ukrainy (pa zhodzie), pradstaŭnikoŭ Asacyjacyi haradoŭ Ukrainy (pa zhodzie) i delehavanych pradstaŭnikoŭ miascovaha samakiravańnia i hramadskaści. Rabočaja hrupa stvarajecca dla ŭzhadnieńnia pazicyj pa zakanadaŭčych źmienach u ažyćciaŭleńni reformy miascovaha samakiravańnia i arhanizacyi ŭłady ŭ rehijonach.
Ukaz ustupaje ŭ siłu z dnia jaho apublikavańnia.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary