Ва Украіне за тры месяцы прымуць законы па дэцэнтралізацыі ўлады і пашырэнні паўнамоцтваў рэгіёнаў
В.а. прэзідэнта Украіны А.Турчынаў даручыў ураду распрацаваць і ўнесці на разгляд Вярхоўнай Рады законапраекты, якія прадугледжваюць дэцэнтралізацыю ўлады і істотнае пашырэнне паўнамоцтваў тэрытарыяльных абшчын.
Адпаведнае даручэнне ўтрымліваецца ва ўказе «Аб мерах наконт кансалідацыі грамадзян Украіны і спынення грамадзянскага супрацьстаяння ў Данецкай і Луганскай абласцях», які ў нядзелю падпісаў А.Турчынаў.
Згодна з дакументам, Кабінету міністраў даручана падрыхтаваць, унесці ў ВР законапраекты адносна правядзення ва Украіне рэформы мясцовага самакіравання і арганізацыі ўлады ў рэгіёнах, прадугледзеўшы дэцэнтралізацыю ўлады і істотнае пашырэнне паўнамоцтваў тэрытарыяльных абшчын, фарміраванне выканаўчых органаў мясцовымі саветамі, пашырэнне матэрыяльнай і фінансавай асновы мясцовага самакіравання, дзейсныя механізмы ўдзелу грамадскасці ў прыняцці органамі мясцовага самакіравання рашэнняў.
Ва ўказе адзначана, што адпаведныя законы павінны быць прыняты ў трохмесячны тэрмін.
Акрамя таго, згодна з указам, ва Украіне будзе створана рабочая група з прадстаўнікоў Кабінета міністраў Украіны, народных дэпутатаў Украіны (па згодзе), прадстаўнікоў Асацыяцыі гарадоў Украіны (па згодзе) і дэлегаваных прадстаўнікоў мясцовага самакіравання і грамадскасці. Рабочая група ствараецца для ўзгаднення пазіцый па заканадаўчых зменах у ажыццяўленні рэформы мясцовага самакіравання і арганізацыі ўлады ў рэгіёнах.
Указ уступае ў сілу з дня яго апублікавання.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары